Дима Билан YouTube’даги Надежда Стрелес каналига берган интервьюсида унга онкологиядан олдинги ҳолат ташхиси қўйилгани ва 2022 йил февраль ойида жиддий жарроҳлик амалиётини бошидан ўтказганини маълум қилди.
“Мен хасталигимда ҳаётнинг маъносини шунчалик чуқур излашни бошладимки, баъзи муолажаларни оғриқ қолдирувчи воситаларсиз қилдим, бундай касаллик нима эканини, қандайлигини тушуниш ва баъзи нарсаларни яхшироқ англаш учун”, деб эслайди 43 ёшли хонанда.
Унинг сўзларига кўра, ўз вақтида самарали даволаниш туфайли ҳозирда унинг аҳволи яхши ва у соғлом.
Дима сезиларли даражада вазн йўқотганидан бери тарқалган миш-мишларни ҳам рад этди. Ўшанда тармоқларда уни бедаво дардга чалинган деб тахмин қилишган, ҳаттоки уни саратон ва ОИВ билан касаллангани ҳақида ёзишган эди.
“Биринчидан, менда ҳеч қандай ОИВ йўқ. Мен мутлақо соғлом одамман. Фақат бир нарса, чап оёғим сингандан кейин, унинг томирлар системаси бир оз ишдан чиқди. Қолган ҳамма нарса яхши”, деди Дима Билан.
Шунингдек, хонанда шифокорларга миннатдорлик билдирди: “Мен тиббиётимизни яхши кўраман, барча ижтимоий тармоқларда уларга шунчаки шеърлар ёздим, чунки улар шундай фидойи инсонлардир.”
Изоҳ (0)