Бир млн долларлик қулайлик: турк актрисаси Серенай Сарикая қандай уйда яшайди?

“Фи” ва “Шаҳмаран” сериалларидаги иштирокидан сўнг турк актрисаси Серенай Сарикая оламшумул машҳурликка эришди. Қуйида унинг қандай уйда яшаши ҳақида сўз юритилади. 

Серенайнинг Истанбулдаги уйи ҳашаматли суратга олиш майдончасига ўхшайди. Чунки актриса уй дизайнидаги ҳар бир элементга алоҳида эътибор берган. 

“Мен буюм ва жиҳозларни фақат безак учун харид қилишни ёқтирмайман. Улар албатта ишлатилиши керак”, —дейди Серенай.

Умумий концепция — жонли урбанизм

 

Актрисанинг уйи лофт услубида таъмирланган. Лойиҳалаш билан таниқли дизайнер Энис Каравил шуғулланган.

Меҳмонхона ва ундаги ўзига хос диван

Уй меҳмонхонасининг марказида ёрқин қопламали юмшоқ мебелни кўриш мумкин. Серенайнинг ўзи эса бу диван ҳақида: “Мен ҳамма нарса сокин бўлишини, фақат диван дизайни билан ажралиб туришини хоҳладим”, дейди.

Икки қаватли макон

Серенайнинг ҳашаматли уйи икки қаватдан иборат. 

Пастки қаватда — катта меҳмонхона, очиқ турдаги ошхона, кутубхона ва иш зонаси жойлашган.

Юқори қаватда — ётоқхона, кийиниш ва ювиниш хонаси шундай жиҳозланганки, у ерда узоқ вақт қолишни истайсиз.

 Ошхона — ҳар бир уй бекасининг орзуси

Серенай ўзи таом тайёрлашни ва меҳмон кутишни яхши кўради, шунинг учун унинг ошхонаси деярли ресторан даражасида:

Мебеллар ва техника зангламайдиган пўлатдан ясалган. Актриса уйида энг кўп вақт ўтказадиган жойи — ошхонаси учун тахминан 52 000 доллар сарфлаган.

Ҳаммом — санъат асари каби

Энг ҳайратланарли макон — бу япониялик рассом Яёи Кусаманинг услубида безатилган ҳаммом. Бундай ҳаммомда ҳатто душанба тонги ҳам жозибали туюлади.

Ипак пардалар билан безатилган ётоқхона

Ётоқхона уйдан полдан шифтгача бўлган пардалар билан беркитилган.

Каравот — паст, япон услубида, чойшаблар, минимализм, лекин жонли услубда яратилган.

Характерли интерер

Уйда кўплаб санъат асарлари ва винтаж деталлар бор:

* Замонавий турк рассомларининг расмлари;

* Психология ва мода бўйича китоблар;

* Қўлда ясалган вазалар ва керамика;

* Қадимги устахоналардан чиққан чироқлар шулар жумласидандир.

Ҳаммаси қанчага тушди?

Серенай уйни 1 миллион доллардан (40 миллион лира) қимматроққа харид қилган. Ошхонага актриса 60 минг доллар сарфлаган. Муаллифлик дизайни ва мебеллар харажатларини ҳам ҳисобга олган ҳолда уй Серенаяга 1,5 миллион долларга тушган. 

Серенай Сарикая қанча пул ишлайди?

1. Сериал ва рекламадан тушган даромад:

“Оила учун” сериалида актриса ҳар бир эпизод учун тахминан 1,2 миллион турк лираси (25 минг доллар) олган.

2024 йилда у реклама кампаниясида бир кунлик суратга тушиш учун 25 миллион лира  (643 минг доллар) ишлаб топган.

2. Ижтимоий тармоқлардан тушган даромад:

Instagram’да 11 миллиондан ортиқ обуначиси ҳисобга олинса, унинг платформадан ойлик даромади 76 000 доллардан 104 000 долларгача, бу йилига тахминан 1-1,4 миллион долларни ташкил этади.

Серенай Сарикая даромадини қаерга инвестиция қилади?

1. Кўчмас мулк:

Актриса Туркиянинг турли ҳудудларида объектлар сотиб олиб, кўчмас мулкка фаол инвестиция қилади.

Яқинда у Ассосда 20 гектар ерни тахминан 1 000 000 долларга сотиб олди.

ОАВ хабарларига кўра, Серенай актрисалик фаолиятини давом эттириш ва халқаро лойиҳаларда иштирок этиш учун АҚШга кўчиб ўтишни режалаштирмоқда.

Шундай қилиб, Серенай Сарикая нафақат актрисалик ва моделлик соҳаларида муваффақиятли фаолият олиб боради, балки молиявий ресурсларини бошқариш ва инвестицияларни амалга ошириш бўйича оқилона ёндашувни намойиш этади.