40 та шахсий самолёт, 2,7 млн долларлик туя: Дубай шаҳзодаси Ҳамданнинг ҳашаматли харидлари

Ҳар биримиз ҳаётимизда камида бир марта бўлса ҳам миллионер бўлишни орзу қилганмиз, баъзилар эса ҳали ҳам орзу қилади. Сайёрамизнинг энг бой одамларидан бири Дубай шаҳзодаси Ҳамдан ибн Муҳаммад ибн Рашид Ал Мактум миллиардлаб долларларини ҳашаматли нарсаларга сарфлайдики, кўриб ҳайратда қолишингиз аниқ.

Python

Гап, албатта, дастурлаш тили ҳақида кетмаяпти, лекин нархи жиҳатдан ундан қолишмайди.

Сувда юрадиган машиналар ҳақида эшитганмисиз? WaterCаr компанияси сув юзада ҳам бемалол юра оладиган автомобилларни ишлаб чиқаради. Улар орасида шаҳзода сотиб олган Python автомобили ҳам бор. Унинг тезлиги сувда соатига 45 мил, қуруқликда эса тахминан 80 милга етади. Машина замонавий дизайнга эга ва кундалик ҳайдаш учун жуда қулай. Фаззага бу машиналар шу қадар ёқадики, унинг коллекциясида бундай машинадан 6 та бор.

Palm Jumeirah Zabeel Saray

Дубайдаги бу энг қиммат ва чиройли меҳмонхона Фаззанинг ҳашаматни яхши кўришига яна бир мисолдир.

Бу ҳақли равишда қиролликдаги энг гўзал меъморий бинолардан биридир. Бу меҳмонхона 2019 йил март ойида фойдаланишга топширилган ва ундаги ҳар бир хонани санъат асари дейиш мумкин. Хоналар турк архитектураси услубида, энг қиммат материаллардан: мармар, қора ёғоч ва керамикадан фойдаланган ҳолда яратилган. Бу ердагилар ўзларини қасрда юргандек ҳис қилади ва ажойиб манзара — чексиз денгиздан баҳраманд бўлишади. Бу жойни сотиб олиш ва меҳмонхона қуриш шаҳзодага 12 миллиард долларга тушган.

Boeing 787-10 Dreamliner самолётлари

Яхталар ва машиналар — бойлигини кўрсатишнинг оддий усули холос. 40 та шахсий самолётга эга бўлиш ҳар бир бой одамнинг ҳақиқий мақсадидир.

Ҳа, Фаззанинг 40 та самолёти бор, лекин улар ҳар куни янги самолётда учиш учун эмас. Бу фақат яриморолда авиацияни ривожлантиришга қилинган сармоядир. Ушбу модел энг машҳурларидан бири бўлиб, бир вақтнинг ўзида 440 га яқин йўловчини сиғдира олади ва 7500 мил масофани босиб ўтади. Битта Boeing 787-10 Dreamliner 306 миллион доллар туради. 40 тасига эса жуда катта суммага — 12 миллиард 240 минг доллар сарфланган.

Туя

Рўйхатимиздаги нархи бўйича машиналардан қолишмайдиган даражада қимматбаҳо жонивор.

Гўзаллик танловлари нафақат одамлар, балки туялар ўртасида ҳам ўтказилади. Бундай танловда 17 минг туя орасидан соғлиғи, гўзаллиги, чидамлилиги, зоти, зодагонлигига қараб ҳар томонлама энг яхшиси танланади. Бош соврин — 600 минг доллар. Агар ҳакамлар туянинг гўзаллиги устида ишланганини, яъни ботокс қилинганини пайқаса, иштирокчи четлатилади. Шундай қилиб танлов натижаларига кўра, энг келишган эркак туя аниқланади. Бу туя Дубай шаҳзодасига шу қадар ёқадики, уни 2,7 миллион долларга сотиб олади.

Отлар

Нархи билан ҳайратга соладиган яна бир жонивор.

Ҳамдан ибн Муҳаммад ибн Рашид Ал Мактум спорт пойгаларини жуда яхши кўради ва ҳар йили мусобақаларда қатнашади. У энг қиммат отни 3 миллион долларга сотиб олган. Бу отга машҳур насл-насаб туфайли шундай нарх белгиланган, от нафақат соғлом ва пойга учун мос, балки ташқи кўриниши ҳам ниҳоятда гўзал, тумшуғининг силлиқ чизиқлари ва чуқур кўзлари билан ҳам ажралиб туради. Шаҳзода Фазза 2014 йилда ҳам ҳар бири 1 миллион 800 минг долларлик иккита от сотиб олган. Умумий ҳисобда учта от 6,5 ​​миллион доллардан ортиқ маблағ сарфланган.

Ripsaw танклар парки

Эҳтимол, бу танк ҳамманинг гусеницали транспорт воситаси ҳақидаги тушунчасини ўзгартирар.

Бу ерусти транспорт воситаси ҳамма жойга, ҳатто илгари ҳеч ким боролмаган жойларга ҳам боради. Битта танк 800 от кучига эга, унинг кўриниши ҳақиқатан ҳам даҳшатли. Ripsaw компанияси ўз ихтироси билан шу қадар шов-шувга сабаб бўлдики, улар ҳатто “Форсаж” фильмида ҳам ишлатилган, АҚШ армиясида фойдаланиш учун сотилган ва хусусий компаниялар учун фуқаролик версиялари ишлаб чиқарилган. Конфигурацияга қараб, битта танк 500 минг долларга тушади. Паркнинг қиймати эса ўнлаб миллиардларга етиши мумкин.

Lamborghini Veneno Roadster

Спорт автомобиллари ишқибозларининг орзуси, автомобиль тарихидаги афсона ва бугунги кунда кам учрайдиган модел.

Lamborghini Veneno Roadster — компания томонидан ишлаб чиқарилган энг нодир автомобиллардан биридир. 2014 йилда атиги 9 таси ишлаб чиқарилган, шаҳзода Фазза эса 6 тасига эгалик қилади. Бу машина соатига 221 мил тезликка эришади, V12 двигатели билан жиҳозланган, 750 от кучига эга. Компаниянинг ўзи ушбу моделни аэронавтикадан илҳомланган ултразамонавий дизайн деб атаган. Биттасининг нархи 4,5 миллион доллардан ошади, 6 таси 27 миллион долларга тушади.

Bugatti Veyron Grand Sport Vitesse

Спорт автомобиллари тарихидаги юлдуз ва тезлик стандарти.

Бу машина бутун дунёдаги энг тезкор автомобиль сифатида танилган: углерод толали кузов панеллари, соддалаштирилган чарм интерер, кучли турбиналар ва 1200 от кучи. Соатига 250 мил тезлик ва спорт автомобилини тўлақонли кабриолетга айлантириш имконияти. Буларнинг барчаси шаҳзодага 2 миллион доллардан кўпроққа тушган.

Fairmont Pacific Rim

Хусусий мулклар ичида энг қиммат харидлардан бири.

Меҳмонхона энг яхши хизматларни, энг қулай хона жиҳозларини ва бошқа кўп нарсаларни таклиф этади, масалан, ТАSCHEN кутубхонаси. Шаҳзода Ҳамдан бу ердан 3 та пентҳаус сотиб олган.

LaFerrari

Ҳар қандай автомобиль ишқибозлари ҳавас қиладиган яна бир эксклюзив автомобиль.

Ушбу автомобилни ишлаб чиқариш чекланган, чунки уларнинг умумий сони 500 дан ошмайди. Бу энг катта Ferrari автомобилларидан бири бўлиб, узунлиги 15 футга тенг. Бу қизил автомобиль 963 от кучига эга, соатига 217 мил тезликка эришади. Ушбу ноёб машиналардан иккитаси аукционда 7 миллион ва 10 миллион долларга сотилган. Аммо уларнинг айтишича, шаҳзода спорткарни стандарт нарх — 1,4 миллион долларга сотиб олган.

McLaren P1

Афсонага айланган яна бир машина, чунки у куч сўзининг ҳақиқий синонимидир.

32 сонияда 37 мил, тўлиқ тезликда эса 217 мил/соат тезликка эришадиган супер автомобиль. Биринчи McLaren P1 Дубайда аноним қолишни истаган харидорга сотилади. Аммо бир мунча вақт ўтгач, уни шаҳзода ҳайдаб юрганини кўришган. Автомобильга 1 миллион 300 минг доллар сарфланган.

Шотландиядаги кўчмас мулк

Кўл бўйида жойлашган 14 хонали орзудаги уй.

Шотландиядаги мулк — шаҳзода ва унинг оиласи жуда яхши кўрадиган дам олиш ва ов қилиш учун ажойиб жой. Уйнинг ўзи ҳали қурилмаган, аммо у учун умумий майдони 100 милга тенг ер сотиб олинган. Бу икки қаватга чўзилган, қулайлик учун барча шароитлар ва ўйин-кулги учун 14 хонага эга тўлақонли уйга айланадиган катта майдон ҳисобланади. Бу жой шаҳзодага маҳаллий нархда жуда арзонга тушган, атиги 3 ярим миллион долларга харид қилинган.