CAEx Build & Co – бу қурилиш, қурилиш технологиялари, таъмирлаш материаллари ва интерер ечимларига бағишланган халқаро кўргазма. Соҳанинг асосий тадбирига айланишга улгурган мазкур кўргазма 13—15 ноябрь кунлари Тошкентда бўлиб ўтади. Ҳозирги вақтда иштирок этиш учун аризалар қабул қилинмоқда.
Ноябрь ойи ўрталарида CАЭх кўргазмалар марказида қурилиш, декор ва таъмирлаш учун мўлжалланган материаллар ҳамда ускуналарни ишлаб чиқарувчи компаниялар ва етказиб берувчиларини бирлаштирадиган CAEx Build & Co халқаро кўргазмаси ўтказилади. Тадбир иштирокчилари қурилиш соҳаси учун мўлжалланган замонавий технологиялар ва инновацион ечимларни намойиш этадилар.
Кўргазманинг асосий афзалликларидан бири сифатида қурилиш ва дизайн соҳасининг барча босқичларини қамраб олувчи 10 дан ортиқ бўлимнинг мавжудлигини кўрсатиб ўтиш мумкин. Кўргазма иштирокчилари қурилиш ва пардозлаш материаллари, муҳандислик ускуналарини харид қилиш истагида бўлган ташриф буюрувчиларга ўз маҳсулотларини намойиш этиш, шунингдек, Ўзбекистон ва МДҲ мамлакатларида фаолият олиб борувчи ҳамкорлар ва импортёрларни топиш учун ноёб имкониятга эга бўладилар. Бундан ташқари, кўргазма қурилиш саноатининг долзарб йўналишларини ўрганиш, соҳани ривожлантиришга қаратилган янги технологиялар ва ечимлар билан танишиш имконини тақдим этади.
Кўргазма йўналишлари
Компаниялар кўргазмада қуйидаги йўналишлар бўйича ўз маҳсулотларини намойиш этишлари мумкин:
- Қурилиш материаллари, жиҳозлар ва асбоб-ускуналар: алюминий конструкциялар, бетонни мустаҳкамлаш технологиялари, гидроизоляция ва ҳимоя қопламалари, PVX маҳсулотлари, гипсокартон, цемент, гипс, қурилиш қоришмалари, қурилиш учун мўлжалланган кимёвий моддалар, абразив материаллар, электр асбоб-ускуналари, бириктиргичлар ва бошқалар;
- Дераза технологиялари: турли хилдаги деразалар, дераза фурнитуралари, ойналарни маҳкамлаш ускуналари, қорайтириш учун мўлжалланган қопламалар ва бошқалар;
- Керамика: мозаика, керамогранит, керамик плиткалар ва бошқалар;
- Тош: бордюрлар, зинапоялар, йўлак тошлари, қоплама плиталар, бинонинг ташқи архитектура элементлари, тошдан ясалган интерер жиҳозлари ва бошқалар;
- Панеллар ва молдинглар: панжаралар, зинапоялар, шифт тизимлари ва бошқалар;
- Эшик ва қулфлар: кириш ва хона эшиклари, хавфсизликни назорат қилиш тизимлари, эшик жиҳозлари ва бошқалар;
- Обойлар, бўёқлар ва декоратив сувоқ: обойлар дизайни, обойларни босиш учун материаллар ва ускуналар, декоратив сувоқ, бўёқчилик ва сувоқчилик ишлари учун асбоб-ускуналар;
- Пол қопламалари: настил, линолеум, паркет, паркет тахта, массив тахта, муҳандислик тахтаси ва бошқалар;
- Интерер ва дизайн: пардалар учун мўлжалланган аксессуарлар ва фурнитуралар, пардалар учун мўлжалланган карнизлар, қоплама, драпировка газламалари, материаллари ва бошқалар;
- Ванна хоналари: бассейнлар, сауналар ва ванна хоналари учун аксессуарлар, гидромассаж тизимлари, душ тўсиқлари, сантехника ва бошқалар;
- Генераторлар, ёритиш ва электротехник асбоб-ускуналар: стабилизаторлар, муҳандислик трансформаторлари, лампалар, ўчириш-ёқиш мосламалари, ёритишни бошқариш тизимлари ва бошқалар;
- Оғир қурилиш махсус техникалари: экскаваторлар, бульдозерлар, автокранлар ва бошқалар.
Кўргазма қандай компаниялар учун манфаатли бўлади?
Кўргазмада қурилиш материаллари ва ускуналари дистрибюторлари ҳамда ишлаб чиқарувчилари, пудратчилар, қурилиш компаниялари, архитектура-дизайн бюролари, кўчмас мулк агентликлари, шунингдек йўл ва кўприклар қурилиши билан шуғулланувчи ҳамда қурилиш хизматларини кўрсатувчи компаниялар ўз маҳсулот ва хизматларини намойиш этиш имкониятига эга бўладилар.
Интенсив бизнес дастур
Турли хил маҳсулот линиялари билан бир қаторда, бизнес ҳамжамияти учун долзарб масалалардаги профессионал мунозаралар ҳам кўргазманинг муҳим қисмини эгаллайди. Мазмунли бизнес дастур доирасида конференциялар ва панел муҳокамалари ўтказилади. Тадбир давомида девелоперлар, қурилиш ва дизайн соҳаси вакиллари соҳанинг замонавий йўналишларини, шунингдек, қурилиш ва таъмирлаш материалларидан фойдаланишнинг долзарб амалиётларини муҳокама қиладилар.
Қандай қилиб кўргазмада иштирок этиш мумкин?
Ҳозирда стендни қулай PRECALE нархларида банд қилиш имконияти мавжуд. Бунинг учун buildco.caexuzbekistan.com сайтидаги онлайн рўйхатдан ўтиш шаклини тўлдириб, компания ҳақидаги маълумотларни киритиш кифоя. Ариза юборилгандан сўнг, CАEх sales-жамоаси тафсилотларни аниқлаштириш мақсадида компания вакили билан боғланади.
Манзил: Мирзо Улуғбек тумани, "Баркамол" МФЙ, Миллий боғ кўчаси, 1-уй.
Мўлжал: CAU (собиқ Akfa университети).
Call-марказ: +998 78 113−33-33
Сайт: caex-uzbekistan.com
Instagram: @caex_uzbekistan
Telegram: t.me/caexuzbekistan
Реклама ҳуқуқи асосида
Изоҳ (0)