Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Хонанда Муниса Ризаева «Хаёлингдаман» номли янги таронасини мухлисларига тақдим этди.
Инстаблогер, актриса Феруза Норматова янги сурати билан кўриниш берди ва ҳар қандай вазиятда ҳам инсонларнинг сўзларига эмас, ҳаракатларига қараб иш тутиш кераклиги ҳақида гапирди.
Актриса Асал Шодиева «Уйга қайтиш» номли янги фильмда суратга тушаётганини маълум қилди ва саҳифасига фильмнинг суратга олиш жараёнларида тушган суратини жойлади.
Маълумот учун Асал Шодиева иштирокидаги янги фильм Хивада суратга олинмоқда. Шунингдек, актрисанинг ўзи ҳам яна бир бор эртакнамо Хива шаҳрига келгани ҳақида мухлисларига гапирди.
Асал Шодиева «Уйга қайтиш» фильмининг Хивадаги суратга олиш жараёнлари акс этган видеоларини ҳам саҳифасига жойлади.
Ўзбекистон халқ артисти Озодбек Назарбеков саҳифасида марҳум хонанда Даврон Ғойиповнинг хотирасига аталган пост қолдирди. Маданият вазири марҳум хонанданинг ўзидан ўчмас из ва унутилмас ном қолдиргани ҳақида гапирди.
«Қодирхон» сериали орқали танилган актриса Маржона Мирзаалиева gender party ташкиллаштирди ва ўғил фарзанд кутаётганини маълум қилди.
Хонанда Зоҳиршоҳ Жўраев мухлисларига отаси билан бирга ўтказилиши режалаштирилган концерт дастурига тайёргарлик ишларини бошлаганини ҳақида гапирди.
Хонанда Жаҳонгир Отажонов дўсти билан тушган суратини саҳифасига жойлади.
Ўзбекистон халқ артисти Юлдуз Усмонова у билан 16 йилдан бери кўришишни истайдиган мухлисаси билан учрашди.
Актриса Дилноза Кубаева янги суратини мухлисларига кўрсатди. Хонанда бир муддат касал бўлиб қолганини ва тузалиб ишга чиққанини ҳам айтди.
Айни вақтда Дубайда дам олаётган дизайнер, актриса Шаҳзода Муҳаммедова Instagram саҳифасидаги обуначилари сони 5 миллионга етганини маълум қилди.
Актёр Матёқуб Матчонов тарихий фильмда суратга тушишнинг қийинчиликлари ҳақида гапирди ва «Паҳлавон Маҳмуд» бадиий фильмининг суратга олиш жараёнларида тушган суратини мухлисларига кўрсатди.
Актёр Асадилла Набиев Умра сафаридан қайтгани муносабати билан миллий театр актёрлари унинг хонадонида меҳмон бўлди.
Хонанда Лола тез кунларда янги таронасини мухлисларига тақдим этишини маълум қилди. Шунингдек у саҳифасига янги таронасидан спойлер жойлади.
Турк актёри Энгин Акюрек саҳифасига янги суратини жойлади.
Озарбайжонлик хонандалар Талиб Тале ва Зейнеб Ҳасани илк марта Тошкентга ташриф буюрди. Уларга маданият вазири Озодбек Назарбеков ҳамроҳлик қилди.
Озода Нурсаидова «Замин юлдузлари» тақдирлаш маросимида актриса Юлдуз Ражабова ва турк актёри Эмре Кивлижим билан тушган суратини саҳифасига жойлади.
Хонанда Дилдора Ниёзова ва унинг ҳамкасби Манзура «Дугонажонлар» номли таронасини мухлисларига тақдим этди.
Раққоса Паризода қизалоқлари Эъзоза ва Саъдия билан «Замин юлдузлари» тақдирлаш маросимида иштирок этди.
Мавзуга доир:
- Instagram: Жаҳонгир Ортиқхўжаев неварали бўлди, Малика Равшанова хонадонида байрам, Манзуранинг ер остига саёҳати.
- Instagram: Умра сафарига кетган Феруза Жуманиёзова, россиялик рэпернинг Тошкентдаги концертида «томоша кўрсатган» мухлислар, Паризодадан ноодатий рақс
- Instagram: Муниса Ризаеванинг онасига совғаси, давоми суратга олинаётган «Осмондаги болалар», Зоҳид Рисқиев ўзига келдими?
- Instagram: Зоҳид билан аварияга учраган дўсти алоқага чиқди, Манзурани ҳамкасблари ранжитишди, Тошкентдаги тўйда хизматда бўлган россиялик машҳурлар.
Изоҳ (0)