Қозоғистонлик полвон учинчи марта Гиннес рекордлар китобига кириши мумкин

Қозоғистонлик полвон Сергей Цирулников қўли билан михни тахтага қоқиш бўйича жаҳон рекордини ўрнатди. Бу ҳақда Sputnik хабар қилади.

Кўп карра жаҳон чемпиони Цирулников бу сафар ҳам ҳаммани лол қолдирди. У 1 дақиқа 48 сонияда қўли билан 10 дона товани мих билан тахтага қоқиб қўйди. Унинг бу ютуғи Гиннес рекордлар китобига кириши мумкин.

Бундан олдинги рекорд россиялик спортчига тегишли бўлган, у бу вазифани икки дақиқада амалга оширганди.

Илгарироқ, Петропавловск шаҳрида пойтахт кунига бағишланган тантанада Цирулников бир қўли билан вазни 105 килограм бўлган одамни етти марта кўтариб, рекорд ўрнатган эди. Цирулниковнинг иккита — михларни боғлаш ва 180 тонналик вагон билан тепловозни тортиш бўйича рекорди Гиннес китобига киритилган.

https://www.instagram.com/p/BzpBABMpE5Q/?utm_source=ig_embed