Жамшид Искандаровдан Темур Кападзегача. Ўзбекистон футболининг 2022 йилдаги энг яхшилари тақдирланди

Тошкентдаги Renaissance Ҳалл саройида 26 ноябрь, шанба куни UZ Football Awards—2022 маросими бўлиб ўтди.

Унда футбол соҳасида турли номинациялар бўйича Ўзбекистоннинг 2022 йилдаги энг яхшилари аниқланди.

Ўзбекистон U-23 терма жамоаси ва «Олимпик» бош мураббийи Темур Кападзе йилнинг энг яхши мураббийи деб топилди. Таъкидлаш жоиз, 2021 йилда «Насаф» бош мураббийи Рўзиқул Бердиев йилнинг энг яхши мураббийи бўлган эди.

«Навбаҳор» аъзоси Жамшид Искандаров йилнинг энг яхши футболчиси совринини қўлга киритди. 2021 йилда ушбу соврин «Рома» ҳужумчиси Элдор Шомуродовга насиб этганди.

Ўзбекистон Суперлигасининг ҳам энг яхшилари тақдирланди.

Суперлиганинг энг яхши мураббийи — Рўзиқул Бердиев («Насаф»);

Суперлиганинг энг яхши футболчиси — Драган Черан («Пахтакор»);

Ёш юлдуз — Аббосбек Файзуллаев («Пахтакор»);

Суперлига-2022 тўпурари — Драган Черан («Пахтакор») — 20 та гол;

Суперлиганинг энг чиройли голи — Исломжон Тошпўлатов («Сурхон»);

Йилнинг энг яхши ҳакамлари — Вадим Агишев, Розиябону Юсупова;

Суперлига—2021 рамзий терма жамоаси:

Йилнинг энг яхши футзалчиси — Ҳусниддин Нишонов (Ўзбекистон футзал терма жамоаси ва «БМБ» клубининг футзалчиси);

Маросимда яна бир қатор номинациялар бўйича йилнинг энг яхшилари аниқланди.

Фидоийлик рамзи — Анвар Оҳунов;

Фейр-Плей соврини — «Хоразм» футбол клуби;

Аёллар Олий лигасининг энг яхши мураббийи — Владимир Хан;

Аёллар Олий лигасининг энг яхши футболчиси — Мафтуна Шойимова («Севинч»);

Аёллар Олий лигасининг тўпурари — Диёра Ҳабибуллаева («Сўғдиёна-W»);

Про-Лиганинг энг яхши мураббийи — Виктор Кумиков («Андижон»);

Про-Лиганинг энг яхши футболчиси — Рўзимбой Аҳмедов («Бухоро»);

Йилнинг энг яхши ёшлар мураббийи — Фарҳод Нишонов (Ўзбекистон U-19 терма жамоаси);

Йилнинг энг яхши аёллар мураббийи — Шерали Бобоқулов (Сўғдиёна-W);

Йилнинг энг яхши аёл футболчиси — Маҳлиё Сарикова («Севинч»).