Либертадорес Кубоги доирасидаги “Коло Коло” ва “Форталеза” ўртасидаги учрашув олдидан фожиа юз берди. Бу ҳақда Sport Express нашри хабар берди.
Сантиаго шаҳридаги “Монументал” стадионида ўйин бошланишидан аввал мухлислар ичкарига куч билан киришга уринган. Бу ҳолатда тўсиқлардан бири қулаб тушиб, унинг остида қолган икки киши ҳалок бўлди: улардан бири воқеа жойида, иккинчиси эса шифохонада ҳаётдан кўз юмди.
Фожиали ҳодисага қарамай, ўйин ўз вақтида бошланди. Бироқ, 70-дақиқада мухлисларнинг стадионга турли буюмларни отгани сабабли баҳс вақтинча тўхтатилди.
Жанубий Америка Футбол Конфедерацияси – KONMEBOL ушбу воқеа юзасидан чуқур афсус билдирар экан, ҳалок бўлганларнинг оила аъзолари ва яқинларига ҳамдардлик йўллади.
Таъкидлаш жоиз, “Коло Коло” ҳозирги Чили чемпиони саналади. “Форталеза” эса ўтган мавсумда Бразилия чемпионатини тўртинчи ўринда якунлаган.
Изоҳ (0)