O‘zbekistonlik himoyachisi Abduqodir Husanov “Manchester Siti”da fevral oyining eng yaxshi futbolchisi deb topildi.
Klub matbuot xizmati fevral oyi yakunlariga ko‘ra, oyning eng yaxshi futbolchisi nomi uchun so‘rovnoma o‘tkazgan edi. Abduqodir Husanov so‘rovnomada Erling Holand va Yoshko Gvardiol bilan kurashdi.
Ovoz berish yakunlariga binoan, Abduqodir Husanov jamoaning fevral oyidagi eng yaxshi o‘yinchisi deb topildi.
Maʼlumot uchun, Husanov “Siti” safida fevral oyida APL doirasida 4ta, YECHLda bitta, Angliya kubogi doirasida esa bitta o‘yin o‘tkazib, 1ta golga mualliflik qildi.
Avvalroq, O‘zbekiston milliy jamoasi hujumchisi Eldor Shomurodov ham “Roma” safida ham fevral oyidagi eng yaxshi o‘yinchisi deb topilgandi.
