Наманганда тамаддихона олдига ташлаб кетилган қиз чақалоқ топилди. Бу ҳақда “Дарё” мухбири Азизбек Абдувалиев хабар бермоқда.
Фото: Telegram
Воқеа жорий йил 25 декабрь куни кечга яқин Давлатобод туманидаги тамаддихоналардан бирининг олдида содир бўлган. Шу ердаги ўриндиққа 15 кунлик чақалоқ кийим-кечаклари билан бирга ташлаб кетилган.
Чақалоқ зудлик билан туман туғуруқхонасига олиб борилган. Ҳозирда унинг ҳолати қониқарли экани айтилмоқда.
Фото: Telegram
Давлатобод туман ички ишлар бўлими томонидан олиб борилган суриштирувлар натижасида чақалоқни ташлаб кетган аёл аниқланди. 1994 йилда туғилган аёл бунга оилавий муаммолар туфайли мажбур бўлганини билдирган. Ҳолат юзасидан терговга қадар текширув олиб борилмоқда.
Ижтимоий ҳимоя миллий агентлиги Наманган вилоят бошқармаси матбуот котиби Зулайҳо Зайниддинованинг айтишича, она билан Давлатобод туман “Инсон” ижтимоий хизматлар маркази психологи мулоқотда бўлган. Ҳозирда чақалоққа туғилганлик гувоҳномасини расмийлаштириш ва васийлик белгилаш ишлари амалга оширилмоқда.
Изоҳ (0)