Ҳар бир тадбиркор – фермерми, қурувчими, автопарк ёки ишлаб чиқариш соҳаси эгасими – ўз фаолиятини ривожлантириш учун техникага муҳтож. Катта маблағларга ёки гаровга қўйиладиган мол-мулкка эга бўлмаган ҳолда бу муаммони ҳал қилиш мумкинми? Ҳа, агар сиз Mikro Leasingга мурожаат қилсангиз, у ерда сиз учун ҳар доим мижоз индивидуал хоҳишларини инобатга олган ҳолда мослашувчан лизинг шартлари таклиф этилади.
Асосий йўналишларимиз: енгил автомобиллар, юк транспорти, махсус техника, қишлоқ хўжалиги техникаси, ускуналар.
Лизингнинг асосий шартлари: дастлабки тўлов: 30%дан бошлаб; лизинг муддати: 13 ойдан 36 ойгача.
Нега мижозлар Mikro Leasingни танлайдилар?
Ўз сегментида етакчи ўрин
Биз 2022 ва 2023 йиллар якунига кўра Ўзбекистон лизинг бозорида эътироф этилган етакчимиз. Компаниямиз 2019 йилдан буён муваффақиятли фаолият юритиб, шу давр мобайнида 8000дан ортиқ объектни молиялаштирдик. Шу тариқа минглаб мижозларни қўллаб-қувватлаб, уларнинг ишончини қозондик. Кўпчилик мижозларимиз қайтадан бизга мурожаат қилмоқда.
Халқаро тажриба
Mikro Leasing халқаро Микро Капитал Group холдингига киради. У 15 давлатда кичик ва ўрта бизнес учун молиявий хизматлар кўрсатиб келади. Биз ўз обрў-эътиборимизни қадрлаймиз ва шу сабаб халқаро стандартларга мос, масъулиятли молиялаштириш тамойилларига қатъий риоя қиламиз.
Ярим йилда ёки ҳар чоракда тўлаш имкони
Биз мавсумийлик кўплаб тадбиркорлар, айниқса фермерларга таъсир қилишини биламиз. Шу сабаб сизга ҳар ярим йилда ёки ҳар уч ойда бир маротаба тўлаш имконини берамиз. Mikro Leasing ҳар бир мижоз бизнесининг ўзига хос жиҳатларини инобатга олиб, тўловларни максимал даромад даврларига мослаштириб беради!
Расмийлаштириш масалаларини биз ўзимиз ҳал қиламиз
Сиз фақат анкета тўлдирасиз, тўлов жадвалини имзолайсиз ва минимал ҳужжатлар тўпламини юборасиз, сўнг объектни салондан олиб кетасиз. Расмий дилерлар билан келишиб олиш, суғурталаш, рўйхатдан ўтказиш каби барча ишларни биз ўз зиммамизга оламиз. Катта тажриба, ходимларимизнинг билими ва профессионалги ташкилий ишларга вақт сарфлашдан сизни холи қилади.
Мижоз билан доим алоқадамиз!
Объектни тақдим этгандан сўнг ҳам биз мижоз билан боғланиб, ҳар қандай саволлар бўйича кўмаклашамиз ва маслаҳат берамиз. Mikro Leasing менежери телефон рақами ҳар доим алоқа учун очиқ.
Расмий шартнома – битим ишончлилиги ва қонунийлигининг кафолати
Нотариал тасдиқланган шартнома қатнашчиларга кўпроқ ҳуқуқий ҳимоя беради ва лизингни расмийлаштириш қонунийлигини тасдиқлайди. Шу билан сиз Mikro Leasing билан шартномангиз шаффофлигидан хавотирланмайсиз.
Лизинг аризасига жавоб – бир иш кунида
Замонавий тезкор дунёда ҳар дақиқа ғанимат. Биз буни тушунамиз ва максимал қулай хизматларни таклиф этамиз. Мижозларимизнинг 95% бир иш куни ичида ижобий жавоб олади. Нега бунча тез фурсатда? Чунки биз ички жараёнларни оптималлаштириб, қоғозбозликни минималга даражага туширдик. Шу боис сиз вақтингизни тежайсиз ва лизинг объектидан тезроқ фойдаланишни бошлайсиз.
Барча сегментлар билан ишлаймиз
Mikro Leasing эшиклари ҳамма учун очиқ. Жисмоний шахслар, якка турдаги тадбиркорлар, кичик ва ўрта бизнес вакиллари – биз ҳар бири учун оптимал ечим топамиз.
Минимал ҳужжатлар тўплами
Аризани кўриб чиқиш учун турли идораларга югуриш ва кўплаб маълумотномалар тўплаш шарт эмас. Биз фақат одатда қўлингизда мавжуд ёки онлайн юклаб олиш мумкин бўлган асосий ҳужжатлар рўйхатини сўраймиз.
*Жисмоний ва юридик шахслар учун ҳужжатлар рўйхати фарқ қилиши мумкин.
Барча лизинг объектлари учун ягона қоидалар
Биз Ўзбекистон бозорида мавжуд бўлмаган ёки нархи номаълум объектларни таклиф этмаймиз. Асосий шарт: лизинг объекти Ўзбекистон ҳудудида божхона расмийлаштирувидан ўтган бўлиши лозим.
Қайта лизинг хизмати мавжуд
Бу шундай лизинг тури-ки, унда корхона ликвид мол-мулкини лизинг берувчига сотади ва сўнгра уни лизингга расмийлаштиради. Бу ускуна, автотранспорт, махсус техника ёки кўчмас мулк бўлиши мумкин. Шу тарзда лизинг олувчи бизнесни ривожлантириш учун маблағ олади ва активлардан фойдаланиш ҳуқуқини сақлаб қолади. Шартнома муддати тугагач ва мажбуриятлар бажарилгач, корхона мол-мулкни қайта ўз эгалигига олади.
Ўзбекистоннинг йирик шаҳарларида филиаллар
Бош офисимиз Тошкент шаҳрида жойлашган. Мижозлар қулайлиги учун жорий йил баҳорида Сергели туманида филиал очдик. Шунингдек, бугунги кунда Mikro Leasing офислари Самарқанд, Наманган, Андижон, Фарғона, Бухоро, Урганч ва Қарши шаҳарларида ҳам мавжуд бўлиб, мижозлар у ерда маслаҳат олишлари ва лизинг расмийлаштиришлари мумкин.
Исломий лизинг (алоҳида йўналиш)
Биз Ўзбекистон мусулмонлари идорасидан исломий молиялаштириш тамойилларига мослик бўйича расмий тасдиққа эгамиз. Компаниямиз кечиктирилган тўловлар учун жарима (пеня) орқали даромад олмайди. Шу билан бирга, лизинг олувчи кечиктириш ҳолларида хайрия ташкилотларига бадал тўлаши шарт.
Mikro Leasing хизматларидан фойдаланинг ва лизингнинг қулайлиги ҳамда мослашувчанлигини баҳоланг. Сиз ўз бизнесингиз ривожига эътибор қаратиб, қолган ишларни бизга қўйиб беринг!
Сайт: mikro-leasing.uz
Ижтимоий тармоқлардаги саҳифаларимиз:
- Instagram: mikroleasing.uz
- Facebook: МикроLeasing.Uzbekistan
- Telegram: МикроLeasing
Ижара Mikro Leasing:
- Instagram: ijara.mikroleasing.uz
- Telegram: ижарамикролеасинг
Реклама ҳуқуқи асосида.
Изоҳ (0)