Наманган вилояти Чуст туманида мумтоз мусиқа оқшоми ўтказилади

19 июль, шанба куни 21:00 да Наманган вилояти Чуст туманида жойлашган Oshxona.Uz тамаддихонасида мумтоз мусиқа оқшоми бўлиб ўтади.

Мумтоз кечаси аввалроқ Тошкентдаги Book Café’да ўтказилган эди. Энди бундай кеча водийда ҳам илк маротаба ташкил қилинади.

Мумтоз мусиқа оқшоми бўлиб ўтадиган тамаддихона қуйидаги манзилда жойлашган: Наманган вилояти, Чуст тумани, Чустий кўчаси, 46-уй. Мўлжал собиқ пичоқ заводи.

Қўшимча маълумот олиш учун +998902750252 рақамига қўнғироқ қилиш мумкин.

Эслатиб ўтамиз, 4 июль куни Тошкентдаги Book Café’да «Чанг – Қўшнай – Буламон тароналари» номли мусиқий кеча ўтказилган эди. Кеча давомида Шавкат Матёқубов ва Зиёджон Чангий ўзбек миллий, мумтоз ва Шошмақом туркумига кирувчи асарларни ижро этди.

«Шу ва шунга ўхшаш мумтоз мусиқа кечаларни ҳар ойда бир марта ташкил этилиши режалаштирилган», — дейди «Мумтоз мусиқа оқшоми» лойиҳаси муаллифи Ҳусниддин Ато.