Жорий январь-октябрь ойларида аҳоли томонидан Ўзбекистон банкларига 13,2 миллиард доллар миқдорида чет эл валютаси сотилди. Бу ҳақда Марказий банк хабар берди.
Маълум қилинишича, 10 ой ичида банклар ва жисмоний шахслар ўртасидаги хорижий валюта олди-сотдиси ҳажми 20,9 миллиард доллар бўлган. Мазкур кўрсаткич 2023 йил мос давридагидан 3,3 миллиард долларга (19 фоизга) кўп.
Ҳисобот даврида жисмоний шахслар банкларга жами 13,2 миллиард доллар қийматидаги (йиллик ўсиш 32 фоиз) чет эл валютасини сотган. Ўз навбатида аҳоли томонидан харид қилинган чет эл валютаси ҳажми 7,7 миллиард долларга етган (йиллик ўсиш 2 фоиз).
Натижада жисмоний шахслар томонидан чет эл валютасига бўлган таклиф ҳажми талаб ҳажмидан 5,5 миллиард долларга кўп бўлди, дейилади манба шарҳида.
Таҳлилга кўра, мазкур миқдор ички валюта бозорида қўшимча таклиф манбаи бўлиб хизмат қилмоқда.
Изоҳ (0)