Испаниянинг “Барселона” клуби ўзининг 17 ёшли ҳужумчиси Ламин Ямал билан янги шартнома бўйича келишувга эришди. Бу ҳақда El Chiringuito хабар берди.
Маълум қилинишича, келишув 6 йилга мўлжалланган. Товон пули 1 миллиард еврони ташкил қилади.
Шартнома 2025 йилнинг июль ойида – Ямал 18 ёшга тўлганда имзоланади.
Ламиннинг Каталония клуби билан амалдаги шартномаси 2026 йилнинг ёзигача мўлжалланган.
Маълумот учун, 17 ёшли испаниялик вингер бу мавсум клуби учун барча мусобақаларда 16 та ўйин ўтказиб, 6 та гол урди ва 8 бор голли узатма амалга оширди.
Изоҳ (0)