Ўзбекистонда 2024 йилнинг 9 ойида 6 минг нафардан ортиқ фуқарога 8,9 миллиард сўмлик субсидия ҳисобланди. Бу ҳақда Солиқ қўмитаси хабар берди.
2023 йил 1 апрелдан “Қуёшли хонадон” дастури доирасида хонадонига қуёш панелларини ўрнатган жисмоний шахсларга қуёш панели орқали ишлаб чиқарилган ва ягона электр энергетика тизимига узатилган электр энергиясининг ҳар бир киловатт соати учун 1000 сўмдан субсидия ажратилиши белгиланган.
2024 йилнинг январь—сентябрь ойларида 6 минг нафардан ортиқ жисмоний шахс ушбу дастурдан фойдаланиб, электр тармоқларига ўтказилган қуёш энергияси учун 8,9 миллиард сўм (8,9 миллион кВт/соат) давлат бюджетидан субсидия олган.
Субсидиянинг энг катта қисми қуйидаги ҳудудларга тўғри келмоқда:
- Хоразм вилояти — 2,1 миллирд сўм;
- Қорақалпоғистон Республикаси — 1,5 миллиард сўм;
- Тошкент шаҳри — 1,2 миллиард сўм.
Субсидияни “Солиқ” мобил иловасининг “Кешбэк” бўлимидаги “Картага пул ўтказиш” ойнаси орқали банк картасига ўтказиб олиш мумкин.
Изоҳ (0)