UZCARD Тошкент шаҳридаги “Бунёдкор” стадионида бўлиб ўтган футбол бўйича Ўзбекистон Республикаси банклари ўртасида ўтказилган турнирнинг муваффақиятли якунланганини мамнуният билан хабар беради.
Мазкур тадбир мамлакат банк соҳасидаги спорт ихлосмандларини бирлаштиришнинг ёрқин намунаси бўлди ва соғлом турмуш тарзини қўллаб-қувватлашда муҳим қадам бўлиб хизмат қилди.
Жорий йилнинг сентябрь ойининг ўрталарида бошланган турнирда турли банклардан 27 та жамоа иштирок этди ва футбол руҳининг ҳақиқий байрамига айланди. Мусобақалар давомида 47 та ўйин ўтказилди, унда жамоалар нафақат маҳорат, балки жамоавий руҳни ҳам намойиш этиб, 165 та гол уришди.
19 октябрь куни турнир финали бўлиб ўтди, унда NBU ва Trastbank жамоалари тўқнаш келишди. Биринчи бўлимда ҳисоб очилмади — жамоалар кучлари тенг келди.
Иккинчи бўлимда Trastbank жамоаси ўйинчиси, 7-рақам остида ўйнаётган Расулов ҳисобни очди. Гол урилганидан сўнг, NBU жамоаси ҳисобни тенглаштириш учун ҳужумларини кучайтирди. Иккинчи бўлим охирида, узоқ давом этган ҳужумдан сўнг, NBU жамоасининг 12-рақам остида ўйнаётган ўйинчиси Юлдошев ҳисобни тенглаштирди.
Барча ўйинчилар ва NBU жамоасининг мухлислари қувончдан ҳайқиришди. Ўйиннинг асосий вақти 1:1 ҳисоби билан якунланди ва жамоалар ўйиндан кейинги пенальтилар сериясига тайёргарлик кўра бошлашди. Иккала жамоа ҳам чемпионлик унвонига лойиқ эди, лекин бу сафар омад NBU жамоаси томонида бўлди. Пенальтилар серияси 5:4 ҳисобида NBU жамоаси фойдасига якунланди.
“UZCARD фаолиятининг асосий йўналишларидан бири аҳолининг соғлом турмуш тарзини қўллаб-қувватлаш ҳисобланади. Биз Ўзбекистон Футбол Ассоциациясининг бош ҳомийси ва Ўзбекистон Профессионал Футбол Лигасининг расмий ҳамкоримиз. Шундай қилиб, спортни қўллаб-қувватлаб, биз мамлакатнинг келажак авлодига сармоя киритмоқдамиз.
UZCARD барча жамоаларга ушбу спорт байрамида иштирок этгани учун миннатдорчилик билдиради. Турнирни ҳар йили ўтказиб, иштирокчиларни хурсанд қилиш учун барча имкониятларни ишга соламиз. Баҳорда финтеч компаниялар ўртасида турнирини ўтказиш режалаштирилмоқда. Тез орада ушбу турнирни расман эълон қиламиз”, деди ўз нутқида UZCARD кузатув кенгаши аъзоси Азизбек Азизов.
Спорт бирлаштиради ва бундай турнирлар молиявий муассасалар ўртасидаги дўстлик ва ўзаро тушунишни ривожлантиришга хизмат қилади.
-PJhFmFoN.webp)
Кубокларни дастлабки уч ўринни эгаллаган жамоаларга УCMG бош директори Давит Меликидзе, Ўзбекистон Футбол Ассоциацияси биринчи вице-президенти Равшан Эрматов ва Профессионал Футбол Лигаси бош директори Диёрбек Имомхўжаев топширди.
Финал ўйини, суратлар ва статистика football.uzcard.uz сайтида мавжуд.
UZCARD мусобақани муваффақиятли ўтказишда ҳисса қўшган барча иштирокчилар, ташкилотчилар ва мухлисларга самимий миннатдорчилик билдиради. Бу биз узоқ вақт эслайдиган ҳақиқий футбол байрами бўлди!
UZCARD — Ўзбекистоннинг етакчи миллий тўлов тизимларидан бири бўлиб, унинг оператори “Ягона Умумреспублика Процессинг Маркази” АЖ ҳисобланади.
Компания фаолиятининг асосий мақсади миллий тўлов бизнеси соҳасида маҳсулотлар излаш, ишлаб чиқиш ва такомиллаштириш, замонавий хизматни модернизация қилиш ҳамда финтеч саноати бўйича хизматларни ривожлантиришдир.
Sayt: www.uzcard.uz/
Facebook: fb.com/uzcard
Instagram: @uzcard.uz
Telegram: t.me/uzcard
Реклама ҳуқуқи асосида.
Изоҳ (0)