Uzcard Ўзбекистонда профессионал спортни қўллаб-қувватлашга ўз ҳиссасини қўшишда давом этмоқда. Компания Ўзбекистон Футбол Ассоциациясининг (АFU) бош ҳомийси ва Ўзбекистон Профессионал футбол лигаси (ЎзПФЛ)нинг расмий ҳамкори бўлди.
Ҳамкорлик шартномасини “ЮПМ” МЧЖ бош директори Олимжон Закиров, ЎФА бош котиби Аваз Максумов, ЎФА биринчи вице-президенти Равшан Эрматов ва ЎзПФЛ бош директори Диёр Имомхўжаев имзолади.
Компания ушбу шериклик футболни оммалаштириш ва минтақада футбол анъаналарини янада ривожлантириш борасида муҳим қадам бўлишига ишонади.
Uzcard расмий ҳомий бўлиб, спортни ривожлантиришни янада муҳимлаштириш, келажакда мамлакатимизда чемпионларни тарбиялаш, ёшларни соғлом турмуш тарзига жалб қилиш учун барча имкониятларини сафарбар қилади.
“Кўплаб спорт мусобақаларининг ҳамкори бўлган Uzcard ўз мижозлари сафида маслакдошларни топади. Кундалик харидларини Uzcard карталари билан тўлаш орқали карта эгалари компаниянинг ижтимоий лойиҳаларининг бевосита иштирокчисига айланади ва мамлакатимизда спортни ривожлантиришга ўз ҳиссасини қўшади”, — дейди Олимжон Закиров.
Ҳар йили компания спорт лойиҳаларига, йирик оммавий спорт тадбирларига ҳомийлик қилади. Uzcard асосий приоритет сифатида соғлом турмуш тарзини шакллантириш ва янгидан янги марраларни забт этишни мақсад қилган хайрия мусобақаларининг доимий иштирокчиси ҳисобланади.
Реклама ҳуқуқи асосида.
Изоҳ (0)