UZCARD Toshkent shahridagi “Bunyodkor” stadionida bo‘lib o‘tgan futbol bo‘yicha O‘zbekiston Respublikasi banklari o‘rtasida o‘tkazilgan turnirning muvaffaqiyatli yakunlanganini mamnuniyat bilan xabar beradi.
Mazkur tadbir mamlakat bank sohasidagi sport ixlosmandlarini birlashtirishning yorqin namunasi bo‘ldi va sog‘lom turmush tarzini qo‘llab-quvvatlashda muhim qadam bo‘lib xizmat qildi.
Joriy yilning sentabr oyining o‘rtalarida boshlangan turnirda turli banklardan 27 ta jamoa ishtirok etdi va futbol ruhining haqiqiy bayramiga aylandi. Musobaqalar davomida 47 ta o‘yin o‘tkazildi, unda jamoalar nafaqat mahorat, balki jamoaviy ruhni ham namoyish etib, 165 ta gol urishdi.
19-oktyabr kuni turnir finali bo‘lib o‘tdi, unda NBU va Trastbank jamoalari to‘qnash kelishdi. Birinchi bo‘limda hisob ochilmadi — jamoalar kuchlari teng keldi.
Ikkinchi bo‘limda Trastbank jamoasi o‘yinchisi, 7-raqam ostida o‘ynayotgan Rasulov hisobni ochdi. Gol urilganidan so‘ng, NBU jamoasi hisobni tenglashtirish uchun hujumlarini kuchaytirdi. Ikkinchi bo‘lim oxirida, uzoq davom etgan hujumdan so‘ng, NBU jamoasining 12-raqam ostida o‘ynayotgan o‘yinchisi Yuldoshev hisobni tenglashtirdi.
Barcha o‘yinchilar va NBU jamoasining muxlislari quvonchdan hayqirishdi. O‘yinning asosiy vaqti 1:1 hisobi bilan yakunlandi va jamoalar o‘yindan keyingi penaltilar seriyasiga tayyorgarlik ko‘ra boshlashdi. Ikkala jamoa ham chempionlik unvoniga loyiq edi, lekin bu safar omad NBU jamoasi tomonida bo‘ldi. Penaltilar seriyasi 5:4 hisobida NBU jamoasi foydasiga yakunlandi.
“UZCARD faoliyatining asosiy yo‘nalishlaridan biri aholining sog‘lom turmush tarzini qo‘llab-quvvatlash hisoblanadi. Biz O‘zbekiston Futbol Assotsiatsiyasining bosh homiysi va O‘zbekiston Professional Futbol Ligasining rasmiy hamkorimiz. Shunday qilib, sportni qo‘llab-quvvatlab, biz mamlakatning kelajak avlodiga sarmoya kiritmoqdamiz.
UZCARD barcha jamoalarga ushbu sport bayramida ishtirok etgani uchun minnatdorchilik bildiradi. Turnirni har yili o‘tkazib, ishtirokchilarni xursand qilish uchun barcha imkoniyatlarni ishga solamiz. Bahorda fintech kompaniyalar o‘rtasida turnirini o‘tkazish rejalashtirilmoqda. Tez orada ushbu turnirni rasman e’lon qilamiz”, dedi o‘z nutqida UZCARD kuzatuv kengashi a’zosi Azizbek Azizov.
Sport birlashtiradi va bunday turnirlar moliyaviy muassasalar o‘rtasidagi do‘stlik va o‘zaro tushunishni rivojlantirishga xizmat qiladi.
-PJhFmFoN.webp)
Kuboklarni dastlabki uch o‘rinni egallagan jamoalarga UCMG bosh direktori Davit Melikidze, O‘zbekiston Futbol Assotsiatsiyasi birinchi vitse-prezidenti Ravshan Ermatov va Professional Futbol Ligasi bosh direktori Diyorbek Imomxo‘jayev topshirdi.
Final o‘yini, suratlar va statistika football.uzcard.uz saytida mavjud.
UZCARD musobaqani muvaffaqiyatli o‘tkazishda hissa qo‘shgan barcha ishtirokchilar, tashkilotchilar va muxlislarga samimiy minnatdorchilik bildiradi. Bu biz uzoq vaqt eslaydigan haqiqiy futbol bayrami bo‘ldi!
UZCARD — O‘zbekistonning yetakchi milliy to‘lov tizimlaridan biri bo‘lib, uning operatori “Yagona Umumrespublika Protsessing Markazi” AJ hisoblanadi.
Kompaniya faoliyatining asosiy maqsadi milliy to‘lov biznesi sohasida mahsulotlar izlash, ishlab chiqish va takomillashtirish, zamonaviy xizmatni modernizatsiya qilish hamda fintech sanoati bo‘yicha xizmatlarni rivojlantirishdir.
Sayt: www.uzcard.uz/
Facebook: fb.com/uzcard
Instagram: @uzcard.uz
Telegram: t.me/uzcard
Reklama huquqi asosida.
Izoh (0)