CAU талабалари Бангладешда ҳукумат раҳбари ва Нобель мукофоти соҳиби Муҳаммад Юнус билан учрашди

Central Asian Univeristy талабалари минтақада келажак тадбиркорлари ва инноваторларини тайёрлашда ўз олий ўқув юртининг етакчилик мавқейини тасдиқлашда давом этмоқда.

Ўз стартап лойиҳасини ишлаб чиқиш доирасида бир гуруҳ талабалар ва университет ходимлари Бангладешга ташриф буюрдилар ва у ерда замонамизнинг энг нуфузли шахсларидан бири - Тинчлик бўйича Нобель мукофоти соҳиби Муҳаммад Юнус билан учрашдилар. Ушбу аҳамиятли ташриф талабалар учун ҳақиқий воқеага ва университетнинг истеъдодларни қўллаб-қувватлаши ҳамда уларнинг ривожланиши учун ноёб имкониятлар яратишининг рамзига айланди.

Ҳозирда Бангладешнинг ўтиш даври ҳукумати раҳбари бўлган Муҳаммад Юнус ижтимоий тадбиркорлик фаолияти соҳасида тан олинган обрўли шахс ҳисобланади. Юнуснинг микрокредитлаш ва ижтимоий тадбиркорликни ривожлантиришга қўшган ҳиссаси жаҳон иқтисодиётига катта таъсир кўрсатиб, миллионлаб инсонларга қашшоқликдан чиқиш имконини берди. У билан учрашув - бу нафақат буюк инсон билан танишиш имконияти, балки ижтимоий иқтисодиёт соҳасидаги ҳақиқий етакчидан қимматли амалий маслаҳатлар олиш имконияти ҳамдир.

Амалий таълим фаолиятда

Бундай халқаро ташрифлар ва учрашувлар университетнинг инновацион таълим муҳитини яратиш стратегиясининг бир қисмидир. Бу ерда талабалар нафақат назарияни ўрганишлари, балки ўз ғояларини дунёнинг етакчи мутахассислари ёрдамида амалиётга татбиқ этишлари мумкин.

Бангладешга ташриф талабаларга нафақат дунёнинг энг нуфузли тадбиркорларидан бирининг муваффақият тарихи ва фаолияти билан танишиш, балки унинг тажрибаси ва қарашларини ўзлаштириб, ўз уфқларини кенгайтириш имконини берди.

Central Asian Univeristy халқаро амалиётлар ва саёҳатларни фаол рағбатлантиради, бу эса талабаларга жаҳон даражасига чиқиш ва фойдали алоқалар ўрнатиш имконини беради. Муҳаммад Юнус билан бўлгани каби ноёб учрашувлар талабаларга илҳом бағишлайди ва янги куч билан ўз лойиҳалари устида ишлашда давом этишга ундайди. Бу ҳақиқий бизнес шароитида қандай ишлашни ва ижтимоий масъулиятни унутмаган ҳолда ғояни муваффақиятли стартапга айлантиришни тушуниш учун ажойиб имкониятдир.

Реклама ҳуқуқи асосида.