Central Asian University тиббиёт факультетининг беш нафар талабаси дунёдаги энг мураккаб имтиҳонлардан бири – USMLE Step 1 синовини муваффақиятли топширдилар

Central Asian University (CAU) тиббиёт факультетининг беш нафар талабаси норасмий равишда дунёдаги энг мураккаб тиббий имтиҳонлардан бири саналадиган USMLE (United Stateс Medical Licensing Examination)нинг биринчи босқичидан муваффақиятли ўтдилар.

Ушбу оламшумул муваффақият CAU Тиббиёт мактаби томонидан тақдим этилаётган юқори сифатли таълим ва пухта тайёргарликнинг яққол исботдир.

Талабаларнинг муваффақияти, асосан, CAU Тиббиёт факультети томонидан ишлаб чиқилган  ва мувофиқлаштирилган ўқув дастури самараси ҳисобланади. CAU ўқув дастури шундай ишлаб чиқилганки, у нафақат университет имтиҳонларида юқори натижаларни таъминлайди, балки шу билан бирга USMLE Step1 имтиҳонини муваффақиятли топширишингиз учун етарли бўлган билимни тақдим эта олади.

Буни олинган билимлар, университет имтиҳонлари ҳамда USMLEъга тайёргарликда нақадар аҳамиятли ва қадрли эканлигини алоҳида таъкидлаб ўтган талабаларнинг сўзлари ҳам тасдиқлайди.

USMLEънинг ўзига хос хусусияти нимада ва нега у дунёдаги энг мураккаб имтиҳонлардан бири ҳисобланади?

USMLE Step 1 — бу асосий тиббий билимлар ва уни амалиётда қўллаш кўникмаларини баҳоловчи кўп босқичли имтиҳоннинг биринчи босқичи ҳисобланади. Имтиҳон Қўшма Штатларда тиббий лицензия олиш учун мажбурий саналиб, талабалардан нафақат кенг назарий билимга эга бўлишни, балки ушбу билимларни клиник амалиётда қўллай олиш қобилиятини ҳам талаб қилади. USMLE Step 1 дунёдаги энг мураккаб имтиҳонлардан бири ҳисобланишининг бир нечта сабаблари мавжуд:

Давомийлик ва қамров: Синов саккиз соат давом этади ва тиббиёт фанларининг барча жабҳаларини қамраб олувчи, ҳам ақлий, ҳам жисмоний чидамлиликни талаб қилувчи турли саволлардан иборат болади.

Материалнинг кенг қамрови: Талабалар тиббий таълимннг биринчи ва иккинчи йилига тенг бўлган барча асосий тиббиёт фанлари бўйича тўлиқ билимга эга бўлишлари лозим.

Қаттиқ назорат: Имтиҳон жараёни кучли назорат остида бўлиб ўтади. Номзодлар камерага ёзиб олинади, уларнинг чўнтаклари, кийим-кечаклари текширилади ҳамда имтиҳон жараёнида ҳам кузатиб борилади.

USMLE имтиҳонини муваффақиятли топширган Ўзбекистонлик талабалар  фоизи паст бўлиб келаётганлиги сабабли, CAU талабаларининг ютуқлари айниқса муҳим ва эътирофга муносибдир.

Муҳаммадбектош Хайдаров

“Мен учинчи курсдан бошлаб USMLE синовига тайёрлана бошладим. Дастлаб имтиҳонга жиддий аҳамият бермаган эдим, унга тайёргарликни университет фанларини ўрганиш билан бирга олиб бордим. Бизнинг ўқув дастуримиз шундай тузилганки, тестларга тайёргарлик университет имтиҳонларида ҳам яхши натижаларни беради. Ушбу ёндашув менга ҳар икки турдаги имтиҳонларга самарали тайёргарлик кўришга имкон берди. USMLE — бу ҳақиқий қийинчилик ва бир неча ойлар, балки йиллар давомида тайёргарликни талаб қилади, аммо бу й/лда олган билимларим бебаҳодир”.

Жавохирбек Равшанбеков

“Мен яқинда USMLE Step 1 имтиҳони топширдим, бу ҳар қандай тиббиёт талабаси учун, айниқса, Марказий Осиёлик талаба учун катта ютуқдир. Бу шиддатли машғулотлар ва клиник ротацияларга тўла мураккаб саёҳат бўлди, лекин CAU туфайли мен буни уддаладим. Бизнинг ўқув дастуримиз менга катта пойдевор берди, профессорлар-ўқитувчиларимиз эса улкан мадад бериб турдилар. USMLE Step 1 имтиҳонидан ўтиш менинг халқаро миқёсда тан олинган кардиоторакал жарроҳ бўлиш орзум сари катта қадам бўлди”.

Нодира Махмудова

“USMLE Step 1 имтиҳонига тайёргарлик кўришни учинчи курсда бошлаган эдим  Аввалига имконсиздек туюлган бўлса-да, ўқув дастуримиз, ота-онамнинг кўмаги ва профессорларимнинг мотивацияси муваффақиятга эришишимга ёрдам берди. Мен ноябрь ойида расмий равишда тайёргарликни Амбосс Қбанк (тиббиёт талабалари турли тиббий имтиҳонларга, жумладан, USMLE Step 1 имтиҳонига ҳам тайёргарлик кўриш учун керакли саволлар банки) сотиб олишдан бошладим. Менинг ҳаракат стратегиям Степ 1 сифатида семестр фанларни ўрганиш эди. Мактабимиз инглиз тилида дарс бериши ва кўплаб профессор-ўқитувчилар ўз курсларини Америка, Европа ёки Корея таълим тизимлари билан уйғунлаштирганликлари сабабли мен имтиҳонга муваффақиятли тайёрлана олдим”.

Ҳристовски Даря

“Муваффақият сари йўл, албатта, мураккаб бўлган, бу университетда ўқиш, имтиҳонларга тайёргарлик ва юқори баҳоларни сақлаш ўртасидаги нозик мувозанатни талаб қилади. Ушбу имтиҳон учун тизимли асос университетимиз ўқув дастури томонидан таъминланган бўлиб, у нафақат билимимни оширибгина қолмай, балки ҳар бир фан бўйича самарали ишлаш орқали тайёргарлигимни режалаштириш интизомини ҳам сингдирди”.

Маҳлиё Пулатова

“Мен USMLE Step 1 имтиҳонига учинчи курсдан тайёрлана бошладим. Шу вақт ичида биз микробиология, иммунология, патология каби клиникадан олдинги фанларни ҳам ўрганишни бошладик, бу имтиҳонга тайёргарлик кўришда катта ёрдам берди. Бешинчи курсда ўқиш жараёнида биз клиник ротациядан ўтишни бошладик, бу Степ 1 босқичига тайёргарлик кўриш вақти келганидан далолат берар эди, чунки университет курслари кўпроқ Степ 2 босқичига йўналтирилган эди”.

Central Asian University талабаларимизнинг эришган юксак ютуқлари билан табриклайди ва улар билан чексиз фахрланади, келажакда эса уларга тиббиёт соҳасида бунданда юксакроқ муваффақиятлар тилаб қолади. Уларнинг намунаси бўлажак CAU талабаларини юқори мақсадларга сари илҳомлантиради ва қатъиятлилик, қўллаб-қувватлаш ҳамда сифатли таълим муваффақият калити эканлигини исботлайди.

Агар сиз юқори сифатли тиббий таълимга интилаётган бўлсангиз ва дунёдаги энг қийин имтиҳонлардан бирига тайёрланишни истасангиз, Central Asian University сизни янги ўқув йилида ҳужжат топширишга таклиф қилади.

Ҳужжатлар ушбу ҳавола орқали онлайн шаклда қабул қилинади: centralasian.uz

Қабул комиссиясининг телефон рақамлари:

• (+998) 71−200−05−22, 
• (+998) 71−208−12−34.

Э-маил: admission@centralasian.uz

Қўллаб-қувватлаш хизмати Telegram-боти: CAU_Адмиссион_Бот

Реклама ҳуқуқи асосида.