Central Asian Univeristy talabalari mintaqada kelajak tadbirkorlari va innovatorlarini tayyorlashda o‘z oliy o‘quv yurtining yetakchilik mavqeyini tasdiqlashda davom etmoqda.
O‘z startap loyihasini ishlab chiqish doirasida bir guruh talabalar va universitet xodimlari Bangladeshga tashrif buyurdilar va u yerda zamonamizning eng nufuzli shaxslaridan biri - Tinchlik bo‘yicha Nobel mukofoti sohibi Muhammad Yunus bilan uchrashdilar. Ushbu ahamiyatli tashrif talabalar uchun haqiqiy voqeaga va universitetning iste’dodlarni qo‘llab-quvvatlashi hamda ularning rivojlanishi uchun noyob imkoniyatlar yaratishining ramziga aylandi.
Hozirda Bangladeshning o‘tish davri hukumati rahbari bo‘lgan Muhammad Yunus ijtimoiy tadbirkorlik faoliyati sohasida tan olingan obro‘li shaxs hisoblanadi. Yunusning mikrokreditlash va ijtimoiy tadbirkorlikni rivojlantirishga qo‘shgan hissasi jahon iqtisodiyotiga katta ta’sir ko‘rsatib, millionlab insonlarga qashshoqlikdan chiqish imkonini berdi. U bilan uchrashuv - bu nafaqat buyuk inson bilan tanishish imkoniyati, balki ijtimoiy iqtisodiyot sohasidagi haqiqiy yetakchidan qimmatli amaliy maslahatlar olish imkoniyati hamdir.
-7XG4ZYvI.jpg)
Amaliy ta’lim faoliyatda
Bunday xalqaro tashriflar va uchrashuvlar universitetning innovatsion ta’lim muhitini yaratish strategiyasining bir qismidir. Bu yerda talabalar nafaqat nazariyani o‘rganishlari, balki o‘z g‘oyalarini dunyoning yetakchi mutaxassislari yordamida amaliyotga tatbiq etishlari mumkin.
-t6txGYaK.jpg)
Bangladeshga tashrif talabalarga nafaqat dunyoning eng nufuzli tadbirkorlaridan birining muvaffaqiyat tarixi va faoliyati bilan tanishish, balki uning tajribasi va qarashlarini o‘zlashtirib, o‘z ufqlarini kengaytirish imkonini berdi.
Central Asian Univeristy xalqaro amaliyotlar va sayohatlarni faol rag‘batlantiradi, bu esa talabalarga jahon darajasiga chiqish va foydali aloqalar o‘rnatish imkonini beradi. Muhammad Yunus bilan bo‘lgani kabi noyob uchrashuvlar talabalarga ilhom bag‘ishlaydi va yangi kuch bilan o‘z loyihalari ustida ishlashda davom etishga undaydi. Bu haqiqiy biznes sharoitida qanday ishlashni va ijtimoiy mas’uliyatni unutmagan holda g‘oyani muvaffaqiyatli startapga aylantirishni tushunish uchun ajoyib imkoniyatdir.
Reklama huquqi asosida.
Izoh (0)