Қозоғистон молия вазири Мади Такиев 2025 йилдан бошлаб давлат хизматчиларининг декларациялари оммага эълон қилинишини айтди. Бироқ “ишларининг ўзига хос хусусияти” туфайли президент, бош вазир, парламент спикерларининг декларацияси ошкор қилинмайди.
Шунингдек, ушбу рўйхатга Қозоғистон Миллий хавфсизлик қўмитаси, Ички ишлар вазирлиги ва бошқа куч тузилмалари раҳбарлари ҳам киритилган. Ҳозирда юридик шахсларнинг таъсисчилари ва тадбиркорларни қамраб олувчи декларациялашнинг учинчи босқичи амалга оширилмоқда.
15 сентябрь ҳолатига 2,6 млн декларация топширилган, ҳали 200 минг декларация тақдим этилмаган. Биз уларга билдиришнома юбордик — декларацияни тақдим этиш учун 30 иш куни бор. Қонунга кўра, 2025 йил январдан бошлаб сиёсий хизматчиларнинг декларациялари мажбурий равишда эълон қилинади”, дея тушунтирди Молия вазирлиги раҳбари.
Журналист вазирнинг ўзи жорий йилда декларациясини эълон қилишга тайёрми деб сўраганда, Такиев 2025 йилгача кутишни таклиф этди ва 1 январдан бошлаб ўз даромадлари ҳамда харажатлари тўғрисидаги маълумотларни ошкор қилишини ваъда берди.
Изоҳ (0)