Қозоғистонда атом электр станцияси қурилиши бўйича ўтказилган референдумнинг дастлабки натижалари эълон қилинди. Бу ҳақда Марказий комиссия хабар берди.
Референдумда қатнашган фуқароларнинг 71,12 фоизи ёқлаб, 28,88 фоизи қарши овоз берган. АЭС бўйича умумхалқ референдумида сайловчиларнинг 63,66 фоизи – 7 миллион 820 минг 204 киши иштирок этган. Овоз бериш 6 октябрь куни соат 07:00 дан 20:00 гача бўлиб ўтган.
Бюллетенда “Қозоғистонда атом электр станцияси қурилишига розимисиз?” деган савол бўлган. Унга “Ҳа, розиман” ёки “Йўқ, рози эмасман” деб жавоб бериш мумкин.
Эхит-полл натижалари қандай?
“Социс-А” комплекс ижтимоий тадқиқотлар институти ўтказган сўров натижасига кўра, фуқароларнинг 69,8 фоизи буни қўллаб-қувватлаган. Жамоатчилик сиёсати институти ўтказган сўровида бу кўрсаткич 72,3 фоизни ташкил этмоқда.
-ExU2YYaj.jpg)
Qozog‘istonda atom elektr stansiyasi qurilishi bo‘yicha o‘tkazilgan referendumning dastlabki natijalari e’lon qilindi. Bu haqda Markaziy komissiya xabar berdi.
Referendumda qatnashgan fuqarolarning 71,12 foizi yoqlab, 28,88 foizi qarshi ovoz bergan. AES bo‘yicha umumxalq referendumida saylovchilarning 63,66 foizi – 7 million 820 ming 204 kishi ishtirok etgan. Ovoz berish 6-oktyabr kuni soat 07:00 dan 20:00 gacha bo‘lib o‘tgan.
Byulletenda “Qozog‘istonda atom elektr stansiyasi qurilishiga rozimisiz?” degan savol bo‘lgan. Unga “Ha, roziman” yoki “Yo‘q, rozi emasman” deb javob berish mumkin.
Exit-poll natijalari qanday?
“Sotsis-A” kompleks ijtimoiy tadqiqotlar instituti o‘tkazgan so‘rov natijasiga ko‘ra, fuqarolarning 69,8 foizi buni qo‘llab-quvvatlagan. Jamoatchilik siyosati instituti o‘tkazgan so‘rovida bu ko‘rsatkich 72,3 foizni tashkil etmoqda.
Изоҳ (0)