Фарғонадаги “Истиқлол” стадионида бўлиб ўтган футбол бўйича Ўзбекистон кубогининг финал ўйинида Наманганнинг “Навбаҳор” ва Андижоннинг “Андижон” жамоалари майдонга тушди.
Уларни қўллаб-қувватлаш учун ҳар икки вилоятдан ҳам кўплаб мухлислар келди: стадион деярли тўлди ва томошабинлар сони 20 минг кишини ташкил этди.
Учрашув дастлабки дақиқалардан шиддатли тус олди, ҳар икки жамоада ҳам имкониятлар бўлди, аммо биринчи бўлимда ҳисоб очилмади.
Иккинчи бўлимнинг 53-дақиқасида “Навбаҳор” клуби аъзоси Аброр Исмоилов кучли зарб билан дарвозани аниқ нишонга олди — 1:0. 83-дақиқада эса андижонликларнинг навбатдаги ҳужуми пайтида Муҳаммадкарим Тоиров тўпни боши билан дарвозага аниқ йўналтириб, ҳисобни тенглаштирди — 1:1.
Ўйиннинг асосий вақти шу ҳисоб билан якунланди ва қўшимча таймлар бошланди. Уларнинг биринчи бўлимида ҳисоб ўзгармади, бироқ иккинчи экстра-таймда нақ учта тўп киритилди. Сўнгги дақиқадаги гол эвазига “Андижон” ғалабани қўлга киритди ва тарихида илк бор Ўзбекистон кубоги эгасига айланди—2:3.
“Дарё” ушбу драматик тарзда кечган ўйиндан фотогалерея тайёрлади.
Изоҳ (0)