Финляндия Ички ишлар вазирлиги Россия билан чегарада назоратни кучайтириш учун 50 миллион евро ажратишни сўрамоқда. Бу ҳақда Финляндия ҳукуматининг пресс-релизида маълум қилинган.
Хусусан, ҳаракат датчиклари, геопозицияни аниқлаш асбоблари, янги турдаги дронлар ва бошқа жиҳозларни харид қилиш режалаштирилган. Шунингдек, 24 та автомобиль, 18 та квадроцикл ва 34 та қорда юрадиган автомобиль харид қилинади.
“Натижада Финляндиянинг шарқий чегарасида разведка қобилиятлари ва вазиятдан хабардорлик сезиларли даражада яхшиланади, бу эса миллий ва охир-оқибат Европадаги хавфсизликни кучайтиришга ҳисса қўшади”, дейилади Европа иттифоқининг Чегара хавфсизлиги ва виза сиёсати бўйича Молиявий бошқармаси баёнотида.
Финляндия Европа иттифоқи давлатлари ичида Россия билан энг узун чегарага (жами 1340 км) эга давлат ҳисобланади.
Изоҳ (0)