Бир неча ойдан бери саратон касаллиги билан курашаётган 42 ёшли Кейт Миддлтон эркаклар ўртасида бўлиб ўтган Уимблдон теннис ўйинлари финалига ташриф буюриб, мухлисларни хурсанд қилди.
Теннис корти уни олқишлар билан кутиб олди, Кейт эса доимгидек ёрқин табассум ва замонавий либосда порлар эди.
Уэлс маликаси мазкур тадбир учун Safiyaa London брендига мансуб сиёҳранг либос (1600 доллар) ва L.K. Bennett’дан 60 йиллар услубидаги кичик сумкани (280 доллар) танлади.
Буюк Британиянинг бўлажак қироличаси жазирама қуёшдан сақланиш учун таққан Victoria Beckham кўзойнаги 325 доллар нархга эга.
Миддлтон касаллигига қарамай, баланд пошнали пойабзалда келди. Camilla Elphick брендига мансуб туфли қиймати 350 долларни ташкил этади.
Кетрин заргарлик буюмларини ҳам ёдидан кўтармади. Halsyon Days’га тегишли 18 каратли олтин билан қопланган иккита билагузугининг ҳар бири 200 доллар атрофида туради.
Қўл меҳнати билан тайёрланган, 14 каратли олтин билан қопланган By Pariah Sabine зираклари Уэлс маликасига 500 долларга тушган. Шундай қилиб, Кейт Миддлтоннинг бутун бошли образи тахминан 3500 АҚШ долларини ташкил қилди.
Ижтимоий тармоқларда фойдаланувчилар Миддлтоннинг бундай қимматбаҳо образини танқид қилди, баъзилар эса маликанинг нозик диди ва гўзал либосини мақтади.
Маълумот учун: 2024 йилнинг 22 март куни Уэлс маликаси саратонга чалинганини эълон қилди. Видеомурожаатда Кейт 14 январь куни қорин бўшлиғида жиддий жарроҳлик амалиёти ўтказилгани маълум бўлди. Шифокорлар дастлаб зарарсиз деб ҳисоблаган ўсимтани олиб ташлашган, бироқ кейинги текширувлар маликанинг саратон касаллигига чалинганини кўрсатган.
Изоҳ (0)