Bir necha oydan beri saraton kasalligi bilan kurashayotgan 42 yoshli Keyt Middlton erkaklar o‘rtasida bo‘lib o‘tgan Uimbldon tennis o‘yinlari finaliga tashrif buyurib, muxlislarni xursand qildi.
Tennis korti uni olqishlar bilan kutib oldi, Keyt esa doimgidek yorqin tabassum va zamonaviy libosda porlar edi.
Uels malikasi mazkur tadbir uchun Safiyaa London brendiga mansub siyohrang libos (1600 dollar) va L.K. Bennett’dan 60-yillar uslubidagi kichik sumkani (280 dollar) tanladi.
Buyuk Britaniyaning bo‘lajak qirolichasi jazirama quyoshdan saqlanish uchun taqqan Victoria Beckham ko‘zoynagi 325 dollar narxga ega.
Middlton kasalligiga qaramay, baland poshnali poyabzalda keldi. Camilla Elphick brendiga mansub tufli qiymati 350 dollarni tashkil etadi.
Ketrin zargarlik buyumlarini ham yodidan ko‘tarmadi. Halcyon Days’ga tegishli 18 karatli oltin bilan qoplangan ikkita bilaguzugining har biri 200 dollar atrofida turadi.
Qo‘l mehnati bilan tayyorlangan, 14 karatli oltin bilan qoplangan By Pariah Sabine ziraklari Uels malikasiga 500 dollarga tushgan. Shunday qilib, Keyt Middltonning butun boshli obrazi taxminan 3500 AQSH dollarini tashkil qildi.
Ijtimoiy tarmoqlarda foydalanuvchilar Middltonning bunday qimmatbaho obrazini tanqid qildi, ba’zilar esa malikaning nozik didi va go‘zal libosini maqtadi.
Ma’lumot uchun: 2024-yilning 22-mart kuni Uels malikasi saratonga chalinganini e’lon qildi. Videomurojaatda Keyt 14-yanvar kuni qorin bo‘shlig‘ida jiddiy jarrohlik amaliyoti o‘tkazilgani ma’lum bo‘ldi. Shifokorlar dastlab zararsiz deb hisoblagan o‘simtani olib tashlashgan, biroq keyingi tekshiruvlar malikaning saraton kasalligiga chalinganini ko‘rsatgan.
Izoh (0)