Украина ҳудудлари миналаниши ва бошқа портловчи моддалар билан ифлосланиши ортидан йилига 11,2 миллиард доллар зарар кўрмоқда. Бу ҳақда Тони Блер институти тадқиқотига таяниб, Украина Иқтисодиёт вазирлиги хабар берди.
Тегишли зарар мамлакатнинг 2021 йилдаги ялпи ички маҳсулотининг 5,6 фоизига тенг. Асосий йўқотишлар қишлоқ хўжалиги маҳсулотлари экспортининг камайиши ва маҳаллий солиқлардан тушган даромадларнинг пасайиши билан боғлиқ.
Чернигов, Суми, Николаев ва Харьков вилоятлари портловчи моддалар билан ифлосланган ҳудудлар туфайли ҳудудий ялпи ички маҳсулотининг 20 фоиздан кўпроғини йўқотган. Бу эса 1,1 миллиард доллардан ортиқ солиқ тушумларининг йўқолишига олиб келган.
Иқтисодиёт вазирлиги маълум қилишича, ҳукумат ўз қишлоқ хўжалиги ерларини миналардан тозалаш билан шуғулланаётган фермерлар учун компенсация дастурини ишга туширган.
Айни пайтда Прозорро тизимида қишлоқ хўжалиги ерларини миналардан тозалаш хизматларини харид қилиш бўйича 10 та кимошди савдоси эълон қилинган. Миналардан тозалаш режалаштирилган ерларнинг умумий майдони 3700 гектардан ортиқни ташкил этади. Яқин икки ҳафта ичида кимошди савдолари муваффақиятли якунланиши ва дастлабки шартномалар имзоланишини кутмоқдамиз, деди иқтисодиёт вазири Юлия Свириденко.
Изоҳ (0)