Рақобатни ривожлантириш ва истеъмолчилар ҳуқуқларини ҳимоя қилиш қўмитаси Қашқадарёда иккита пахта тўқимачилик кластери 3 миллиард сўмдан ортиқ асоссиз даромад олганини маълум қилди.
Қайд этилишича, қўмита томонидан юқори ликвидли ва монопол турдаги маҳсулотларни биржа савдолари орқали сотувчи кластерлар томонидан ушбу турдаги маҳсулотларни биржа савдоларига қўйилиши ва биржа савдоларида нархларни сунъий ошишининг олдини олиш бўйича назорат ўрнатилган.
Хусусан, мониторинг кузатувлари давомида Қашқадарё вилоятида “Чироқчи-кластер” МЧЖ ва “Китоб ип йигирув” АЖлар томонидан қуйидаги қонун бузилиши ҳолатлари аниқланган:
Қашқадарё вилоятида ўтказилган ўрганишлар давомида, “Чироқчи-кластер” МЧЖ ва “Китоб ип йигирув” АЖ томонидан қуйидаги ҳолатлар аниқланган:
- умумий 8 минг 310 тонна маҳсулотни биржа савдоларига чиқармасдан, тўғридан тўғри шартномалар асосида сотилиши;
- жадвалларда назарда тутилган муддатларда биржага маҳсулотни қўймаслик ёки уни кам ҳажмда ёхуд мувофиқ бўлмаган ҳажмда қўйиш;
- маҳсулотлар бўйича жадвалларни белгиланган муддатда биржанинг расмий веб-сайтига жойлаштирмаслик,
- биржа савдоларини ўтказиш чоғида рақобатни чеклайдиган ёки чеклашга олиб келиши мумкин бўлган ҳаракатлар.
Юқоридагиларга кўра, ўтказилган ўрганишлар натижасида иккита кластер корхоналарда жами 3,2 миллиард сўм асоссиз олинган даромадлар аниқланган.
Мазкур ҳолатлар бўйича қонун бузилишига йўл қўйган кластерларга нисбатан қўмита томонидан тегишли тартибда иш қўзғатилиб, натижаси юзасидан ортиқча олинган маблағни ихтиёрий равишда қайтариш ва қонун бузилишини бартараф этиш мақсадида бажарилиши мажбурий бўлган кўрсатмалар берилган.
Изоҳ (0)