Россиянинг Камчатка ўлкасида Ми-8Т вертолёти ҳалокатга учраши оқибатида 22 киши ҳалок бўлди. Бу ҳақда фавқулодда хизматларга таяниб, “РИА Новости” хабар берди.
Вертолёт бортида 22 киши — 19 нафар сайёҳ ва 3 нафар экипаж аъзоси бўлган. Россия Фавқулодда вазиятлар вазирлиги ҳозиргача 17 кишининг жасади топилгани ҳақида хабар берган.
Дастлабки маълумотларга кўра, вертолёт ҳалокатидан сўнг барча экипаж аъзолари ва йўловчилар ҳалок бўлган, омон қолганлар йўқ, дея хабар берди ҳалокат оқибатларини бартараф этиш штаби “Интерфакс”га.
Худди шундай маълумотни “ТАСС” ва “РИА Новости” ҳам эълон қилди. Вертолёт бортида бўлган 22 киши орасида Россия футбол иттифоқининг молиявий директори Арсений Замятин ва унинг рафиқаси Полина ҳам бор эди. Вертолёт учувчининг хатоси туфайли авиаҳалокатга учраган бўлиши мумкин.
Мураккаб об-ҳаво шароитида учувчи хатоси устувор версия сифатида қабул қилинмоқда. Туманда учувчи тепаликни пайқамай, унинг ёнбағирига урилган бўлиши мумкин, дейилади штабда.
Техниканинг ишдан чиқиши эҳтимолини истисно қилиб бўлмайди. Қидирув операцияси пайтида вертолёт қолдиқлари 900 метр баландликда аниқланган. Қидирувлар 31 августдан бери давом этмоқда. Авиаҳалокатни текшириш билан Давлатлараро авиация қўмитаси ва “Росавиация” шуғулланмоқда.
Изоҳ (0)