Непалда маҳаллий Saurya Airlines авиакомпаниясининг самолёти 24 июль куни Катманду халқаро аэропортида ҳалокатга учради. Бу ҳақда Kathmandu Post нашри хабар берди.
Ҳодиса пайти самолётда экипаж аъзолари билан биргаликда 19 киши бўлган, улардан фақат бир нафари тирик қолган. Омон қолган 37 ёшли самолёт капитани Маниш Ратна Шакя зудлик билан касалхонага етказилган.
Гувоҳларнинг сўзларига кўра, борт парвозга кўтарилаётганда оғиб, қаноти билан ерга тегган ва шу заҳоти ёниб кетган. Ҳалокатга учраган Bombardier CRJ 200 самолёти технологик хизмат кўрсатиш учун Покхара шаҳрига учаётган эди. Ҳозирда воқеа жойида полиция ва ўт ўчирувчилар иш олиб бормоқда.
Изоҳ (0)