Qozog‘iston Tojikistonning Rog‘un gidroelektr stansiyasidan elektr energiyasini sotib olmoqchi. Yetkazib berish O‘zbekiston energetika tizimi orqali tranzit yo‘li bilan amalga oshiriladi. Bu haqda Tengrinews xabar berdi.
-RGHU8rX7.jpg)
Qozog‘iston energetika vaziri Almasadam Satkaliyev va Tojikiston bosh vaziri o‘rinbosari Usmonzoda Usmonali tegishli masalani muhokama qilgan.
Rog‘un GES elektr energiyasini Qozog‘istonga eksport qilishning texnik parametrlari va tijorat shartlarini ko‘rib chiqish rejalashtirilgan, deydi Satkaliyev.
2023-yilda tomonlar Rog‘un GESda ishlab chiqariladigan elektr energiyasini yetkazib berish bo‘yicha o‘zaro anglashuv memorandumini imzolagan. Shu bilan birga, tranzit masalasini O‘zbekiston bilan kelishish kerak bo‘ladi.
Avvalroq Qozog‘iston prezidenti Qosim-Jo‘mart To‘qayev Tojikistonda Rog‘un GES qurilishini “asr loyihasi” deb atagandi. Tojikiston Energetika va suv resurslari vazirligi u Markaziy Osiyodagi eng yirik GESga aylanishini aytgan. O‘zbekiston ham yozda Rog‘un GESdan elektr energiya sotib olishni rejalashtirmoqda.
Izoh (0)