Germaniyaning Zolingen shahridagi festivalda noma’lum erkak pichoq bilan odamlarga hujum qildi. Hujum oqibatida uch kishi halok bo‘ldi, to‘rt kishi yaralandi, deb xabar berdi politsiya.
Jinoyatchi voqea joyidan qochib ketishga muvaffaq bo‘lgan.
![](/static/2024/08/24/ger-YuOR5pHG.jpg)
Politsiya vakili Gerbert Roul jurnalistlar bilan suhbatda bu odamlarga qaratilgan hujum ekanligini aytdi, ammo ehtimoliy sababni muhokama qilishdan bosh tortdi.
Hujum mahalliy vaqt bilan taxminan 21:45 da Zolingenning 650 yilligiga bag‘ishlangan festivalda sodir bo‘lgan. Dastlabki ma’lumotlarga ko‘ra, noma’lum erkak duch kelgan odamga tashlanib, uni pichoqlashga uringan.
Zolinger Tagblatt nashrining xabariga ko‘ra, festival tashkilotchilaridan biri Filipp Myuller qutqaruvchilar to‘qqiz kishining hayoti uchun kurashayotganini aytgan.
Rasmiylar odamlarni shahar markazidan uzoqroq yurishga chaqirmoqda. Hozirda jinoyat sodir etgan shaxsni qidirish va qo‘lga olish ishlari davom etmoqda.
Izoh (0)