Ўзбекистонда электр энергияси бўйича айрим истеъмолчиларда аслида ҳақдор бўлса-да, тизимда қарздорлик кўриниши ҳолатлари учрамоқда. Энергетика вазирлиги ҳолатга изоҳ берди.
Қайд этилишича, “Ҳудудий электр тармоқлари” АЖ томонидан янги ишга туширилаётган ҲЕТ Billing тизимида техник ишлар олиб бориляпти. Шу боис айрим истеъмолчиларда, аслида, ҳақдор бўлса-да, тизимда қарздорлик кўриниши ҳолатлари учрамоқда.
Мазкур ҳолатда истеъмолчилар тармоқдан ажратилмайди. Техник ишлар якунлангач, ушбу муаммо бартараф этилади.
“Ҳудудий электр тармоқлари” ҳам ҳолатга изоҳ бериб, янги ҲЕТ Billing дастурий комплекси дастури ва бошқа тўлов тизимлари ўртасида маълумотларни янгилаш бўйича ишлар олиб борилаётгани сабабли баланс маълумотларида хатоликлар кузатилаётганини маълум қилди.
Тўлов тизимлари билан олиб борилаётган техник янгиланишлар тез фурсатларда ўз якунига етишини билдирди.
Изоҳ (1)
Ундан кўра лимитни бекор қилишни ўйлашсин ноинсофлар