Париж Олимпиадасида эркин кураш бўйича баҳслар бўлиб ўтмоқда.
Ўзбекистонлик эркин курашчилар турнирдаги бугунги иштирокини ғалаба билан бошлади.
Жавраил Шапиев ўзбекистонлик эркин курашчиларнинг ғалабали иштирокини бошлаб берди. -86 кг вазн тоифасида иштирок этган спортчи илк босқичда грузиялик Владимери Гамкрелидзедан устун келиб, иккинчи даврага йўл олди. Энди у чорак финалда болгариялик Магомед Рамазанов билан беллашади.
Эркин кураш бўйича Ўзбекистон миллий жамоаси аъзоси Ғуломжон Абдуллаев ҳам Париж-2024 ёзги Олимпия ўйинларидаги иштирокини бошлади. Илк босқичда озарбайжонлик Али Аббос Ризозода билан беллашган спортчи иродали ғалаба билан чорак финал йўлланмасини нақд қилди.
Энди у мексикалик Роман Браво-Юнг ва арманистонлик Арсен Харутюнян ўртасидаги баҳс ғолибига қарши гиламга чиқади.
Изоҳ (0)