Футбол бўйича Ўзбекистон Кубогининг чорак финалидан ўрин олган икки ўйин 7 август, чоршанба куни бўлиб ўтди.
“Андижон” сафарда “Қизилқум” меҳмони бўлди ва 3:0 ҳисобида ғалаба қозонди. Андижонликлар таркибида Шаҳрам Самиев, Фарҳоджон Соҳибжонов ва Абдувоҳид Ғуломовлар гол муаллифига айланди.
“Навбаҳор” эса “Сўғдиёна”га қарши майдонга тушди. Учрашувнинг биринчи бўлимида дарвозалар ишғол этилмади.
Иккинчи бўлимда эса Жиззах клуби футболчиси Зоран Петрович гол урди. 69-дақиқада Гиорги Никабадзе ҳисобни тенглаштирди. Асосий бўлимларда дуранг қайд этилгач, қўшимча бўлимларга мурожаат қилинди.
104-дақиқада наманганликлар аъзоси Йован Жокич дарвозани ишғол қилди. 109-дақиқада Люпчо Дориев ҳисобни тенглаштирди. 113-дақиқада эса Филип Иванович “Навбаҳор”га ғалаба келтирувчи гол муаллифига айланди.
Шу тариқа “Навбаҳор” ва “Андижон” ярим финал йўлланмасини қўлга киритди. Қайд этиб ўтиш керак, андижонликлар ўз тарихида биринчи марта Кубок ярим финалига чиқди.
Ўзбекистон Кубоги
Чорак финал
7 август, чоршанба
“Қизилқум” — “Андижон” 0:3
Голлар: Шаҳрам Самиев, 32 (0:1), Фарҳоджон Соҳибжонов, 50 (0:2),Абдувоҳид Ғуломов, 76 (0:3).
“Қизилқум”: 1. Ҳумоюншоҳ Сайётов, 2. Фарруҳ Жўраев, 3. Достон Турсунов, 9. Ҳумоюн Абдуалимов, 15. Асадбек Низомов, 22. Шаҳзод Раҳматуллаев, 24. Абдухолиқ Турсунов, 28. Акмал Музаффаров, 77. Файзулла Жуманқўзиев, 79. Диёр Рахматиллоев, 99. Асадбек Асадов.
“Андижон”: 72. Игор Литовка, 3. Пес Любиша, 5. Абдувоҳид Ғуломов, 9. Леван Арвеладзе, 15. Владимир Бубаня, 17. Фарҳод Соҳибжонов, 19. Нуримбет Абинур, 26. Муҳаммадкарим Тоиров, 28. Ислом Маматказин, 71. Бектемир Абдуманнонов, 99. Шаҳрам Самиев.
“Сўғдиёна” — “Навбаҳор” 2:3
Голлар: Зоран Петрович, 55 (1:0), Гиорги Никабадзе, 69 (1:1), Йован Жокич, 104 (1:2), Люпчо Дориев, 109 (2:2), Филип Иванович, 113 (2:3).
“Сўғдиёна”: 27. Милан Митрович (21. Муҳаммадюсуф Собиров, 46), 2. Сардор Қулматов (17. Самандар Синдаров, 46), 3. Исломжон Қобилов, 5. Жасурбек Ёқубов, 8. Владимир Ёвович, 11. Зоран Петрович, 14. Люпчо Дориев, 15. Хондамир Мустафоқулов, 28. Станислав Андреев (23. Суҳроб Иззатов,75), 32. Нодиржон Сойибов, 33. Олег Зотеев.
“Навбаҳор”: 35. Санжар Қувватов, 8. Сияваш Ҳақназари (55. Комил Тожиддинов, 60), 9. Одилжон Ҳамробеков, 10. Жамшид Искандеров, 11. Сардор Рашидов (88. Асад Жўрабоев, 73) 12. Саидазамат Мирсаидов (17. Руслан Жиянов, 60), 12. Филип Иванович, 14. Жамшид Болтабоев, 23. Йован Жокич, 34. Фарруҳ Сайфиев, 77. Аброр Исмоилов (21. Гиорги Никабадзе, 60).
Изоҳ (0)