Тошкент шаҳрининг Янгиҳаёт туманида нотурар бино учун газ таъминоти лойиҳа ҳужжатларини тайёрлаб беришни ваъда қилган собиқ газ устаси ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “Сергелитумангаз” газ таъминоти бўлими собиқ чилангари О.С. (муқаддам судланган) фуқаро А.I.нинг ишончига кириб, унинг Сергели туманидаги нотурар биноси учун танишлари ёрдамида газ таъминоти лойиҳа ҳужжатларини ва ёнғин хавфсизлиги талаблари бўйича тегишли рухсатнома тайёрлаб бериши эвазига 1 500 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 221-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)