Тошкент шаҳрида 20 та ер усти пиёдалар ўтиш йўлагини қуриш учун 107,2 млрд сўм маблағ талаб этилади. Бу ҳақда Халқ депутатлари Тошкент шаҳар кенгаши қарорида маълум қилинди.
Қарорга кўра, пойтахтда жами 25 та шундай иншоот барпо этилиши режа қилинган. Дастлабки ҳисоб-китобларга кўра, 20 та шундай иншоот қуриш учун 107 млрд 258 млн 003 минг сўм пул сарфланиши талаб этилади.
Қурилиш ишларини бошлаш учун эса 53,6 млрд сўм маблағ ажратилди.
Шу билан бирга, ССТИСМ Себзор сув ҳавзасида бассейн суви ҳамда ювиниш хоналарини иссиқ сув билан узлуксиз таъминлаш учун муқобил қозонхона қурилади ва унга 600 млн сўм ажратилади.
Ушбу харажатлар маҳаллий бюджетнинг 2024 йилда шаклланган қўшимча манбалари ҳисобидан тақсимланади.
Изоҳ (0)