Ўзбекистон Олимпия терма жамоаси бош мураббийи Миср билан (0:1) ўйиндан сўнг Ўзбекистон 24 телеканалига ўз фикрларини билдириб ўтди.
“Бундай эрта кетиш ниятимиз йўқ эди. Қаердадир омад, қаердадир тажриба етишмади. Олимпиада тароватини ҳис қилдик. Бемалол, ўйнаса бўлади. Аламлиси, иккала ўйинда ҳам ғалаба қозониш имкони бор эди. Кучимиз етарди, кичик эпизодларда хато қилдик. Мухлислардан узр сўрайман. Уларга катта раҳмат”, деди бош мураббий Тимур Кападзе.
Маълумот учун C гуруҳидан ўрин олган Ўзбекистон миллий жамоаси Испания (2:1) ҳамда Миср (1:0) жамоаларига мағлубиятга учраб, турнирнинг кейинги босқичига йўлланма олиш имкониятини қўлдан чиқарди.
Доминикан Республикаси билан ўйиндаги натижа ўз аҳамиятини йўқотди.
Гуруҳда Испания 6 очко билан етакчи, Миср 4 очко билан иккинчи ўринга жойлашди. Доминикан Республикаси 1 очко билан учинчи ўринда бормоқда. Ўзбекистон Олимпиячилари очко олганича йўқ.
Изоҳ (0)