Франция темир йўллари миллий компанияси (SNCF) 25 июль, пайшанбадан 26 июль, жумага ўтар кечаси ҳужумга учраганини айтди. Ташкилотнинг айтишича, ёнғин тезюрар поездлар тармоғига қисман зарар етказган.
“Ўт қўйилиши натижасида бизнинг объектларимизга зарар кўрди. Тезюрар поездларнинг Атлантика, шимолий ва шарқий линиялари жиддий шикастланди, Жануби-шарқий қисмида ёнғин талафотлари кузатилмади. Биз баъзи поездларни бошқа йўналишларга йўналтирмоқдамиз, аммо кўплаб поездлар қатновларни бекор қилишга тўғри келади”, дейилади SNCF пресс-релизида.
SNCF бош директори Жан-Пьер Фаранду BFМ телеканалида тартибсизликдан 800 мингга яқин одам жабрланиши мумкинлигини таъкидлаган.
Телеканал маълумотларига кўра, Париж ва Лондон ўртасида Ла-Манш бўйлаб қатновчи Eurostar поездлари қатнови жадвали ҳам бузилган.
Маълумот учун, Париждаги Олимпия ўйинларининг тантанали очилиш маросими бугун, 26 июль куни бўлиб ўтади.
Изоҳ (0)