Яман шимолида ҳукмронлик қилувчи “Ансор Аллоҳ” ҳаракати (ҳусийлар) Исроил Фаластинга бўлган тажовузини тўхтатиши биланоқ унга ҳужум қилишни тўхтатади. Бу ҳақда Эрон ТИВ матбуот котиби Носир Каноний ҳафталик матбуот анжуманида маълум қилди.
Унинг қўшимча қилишича, Яқин Шарқ минтақасида инқирознинг кучайишини бартараф қилиши шарт бўлган Қўшма Штатлар Исроил содир этган жиноятлар учун жавобгарликни ўз зиммасига олиши керак.
Халқаро ҳамжамият Исроил режимининг “қотил машинаси”ни тўхтаца тинчлик келади. Исроил режими тажовузини тўхтатгандан сўнг, Яман Миллий Нажот Ҳукумати ҳам режимга қарши ҳужумларини тўхтатади. Қўшма Штатлар Исроилнинг жиноий ҳаракатлари учун жиддий жавобгарликни ўз зиммасига олиши ва минтақадаги инқирознинг кучайишига тўсиқ бўлиши керак, дейди эронлик расмий.
Аввалроқ Қўшма Штатлар ва Буюк Британия Ҳудайдадаги ҳусийлар позицияларига беш марта ҳаво ҳужуми уюштиргани хабар қилинган эди. Ҳодиса натижасида Ҳудайда портидаги ёқилғи бакларида катта ёнғин бошланган.
Ҳусий ҳарбий воизи Яҳё Сария ҳаракат Ғазони қўллаб-қувватлаш амалиётларини тўхтатмаслигини ва Исроилнинг Ҳодайдага берган ҳаво ҳужумларига жавоб беришини таъкидлаган. Ҳусийлар Соғлиқни сақлаш вазирлиги Исроилнинг Ҳудайдага берган ҳаво ҳужуми оқибатида ҳалок бўлганлар сони олти нафарга етганини, 83 киши яраланганини, яна уч киши бедарак йўқолган деб ҳисобланганини маълум қилган.
Ҳусийлар аввалроқ Фаластинни қўллаб-қувватлаши ва Исроил билан боғлиқ ҳар қандай кемага ҳужум қилиш ниятида эканини эълон қилиб, бошқа давлатларни улардан ўз экипажларини чақириб олишга ва уларга денгизда яқинлашмасликка чақирган эди. Шу билан бирга, ҳусийлар минтақада навигация эркинлигига халақит бермасликларини ва бошқа давлатларнинг кемаларига тегмасликларини айтган.
Изоҳ (0)