Андижон вилоятининг Пахтаобод ва Наманган вилоятининг Тўрақўрғон туманида валюта қимматликлари савдоси билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Пахтаобод туман бўлими ва ИИБ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган Ш.И. фуқаро Ф.О.га жами 4 минг долларни 50,7 млн сўмга сотган вақтида ушланиб, 4 минг доллар ва 18,3 млн сўм ашёвий далил сифатида олинган.
Шу каби департаментнинг Тўрақўрғон туман бўлими томонидан ўтказилган тезкор тадбирда валюта айирбошлаш билан шуғулланиб келган Ф.К. фуқаро М.Х.га жами 2 900 долларни 36,8 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)