Қорақалпоғистон Республикасининг Бўзатов, Самарқанд шаҳри ҳамда Навоий вилоятининг Кармана туманида валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Бўзатов туман бўлими ва ИИБ ходимлари ҳамкорлигида “Манғит деҳқон бозори” МЧЖ олдида ўтказилган тезкор тадбирда валюта айирбошлаш билан шуғулланиб келган А.А. ва бошқалар фуқаро М.Х.дан 2 800 долларни 35,1 млн сўмга сотиб олган вақтида ушланиб, унинг ёнидан 3 200 доллар, 6 400 рубль ҳамда 369 млн сўм ашёвий далил сифатида олинган.
Шу каби департаментнинг Самарқанд вилоят бошқармаси томонидан Самарқанд шаҳри “Ўрта Хўжасоат” МФЙ ҳудудида ўтказилган тезкор тадбирда валюта айирбошлаш билан шуғулланиб келган К.Ҳ. фуқаро А.А.га жами 3 500 долларни 44,2 млн сўмга сотган вақтида ашёвий далиллар билан ушланган.
Департаментнинг Кармана туман бўлими томонидан ўтказилган тезкор тадбирда валюта айирбошлаш билан шуғулланиб келган С.Ғ. фуқаролар А.Д. ва У.Ш.га жами 3 150 долларни 40 млн сўмга сотишга келишиб, шундан 2 минг долларни берган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)