Фарғона вилояти Марғилон шаҳрида ота фарзандини онасига бермаслик учун шкафга яшириб қўйди. Бу ҳақда МИБ ахборот хизмати “Дарё”га хабар берди.
Маълум қилинишича, фуқаролик ишлари бўйича Марғилон туманлараро судининг даъвони таъминлаш тўғрисидаги ҳужжатга асосан қарздор А.Т.дан ундирувчи М.Т.га 2018 йилда туғилган вояга етмаган ўғилни онаси тарбиясига олиб бериш тўғрисидаги ижро ҳужжати Мажбурий ижро бюроси Марғилон шаҳар бўлими иш юритувига келиб тушган.
Давлат ижрочиси томонидан қарздорга вояга етмаган болани онасига ихтиёрий равишда топшириш тўғрисида огоҳлантириш хатлари юборилган бўлса-да, қарздор ва унинг оила аъзолари ҳар хил баҳоналар билан фарзандни онасига беришдан бош тортган ва болани яшириб юрган.
Давлат ижрочиларининг ҳаракатлари натижасида бола 17 июль куни тонгги соат 06:00 ларда қарздорнинг яшаш хонадонида шкаф ичида яширинган ҳолатда топилиб, шу заҳоти онасига олиб берилди.
Изоҳ (0)