Ижтимоий тармоқларда давлат рақам белгиси 01 505 ODA бўлган Captiva автомашинаси вояга етмаган фуқаро томонидан бошқарилгани акс этган видео тарқалди. Ҳолат юзасидан Тошкент шаҳар ИИББ Йўл ҳаракати хавфсизлиги бошқармаси ахборот хизмати муносабат билдирди.
Маълум қилинишича, ҳолат Тошкент шаҳар Йўл ҳаракати хавфсизлиги бошқармаси ходимлари томонидан ўрганилган. Мазкур ҳаракатларни Тошкент шаҳар Сергели туманида истиқомат қилувчи вояга етмаган, 2012 йилда туғилган фуқаро А.Б. содир этганлиги аниқланди.
Вояга етмаган шахсга автомашинани бошқариш учун топширган фуқаро 1977 йилда туғилган У.А.га нисбатан МЖтКнинг 135-моддаси 2-қисмига (транспорт воситаларининг бошқариш ҳуқуқи бўлмаган шахсларнинг шу воситаларни бошқариши, худди шунингдек, бошқариш ҳуқуқи бўлмаган шахсга транспорт воситаларни бошқаришнинг топширилиши) мувофиқ маъмурий баённома расмийлаштирилиб, автомашина вақтинчалик сақлаш учун жарима майдонига жойлаштирилди.
Изоҳ (0)