Ўзбекистонда келаси ҳафта бошида ҳаво ҳарорати 40 даражагача кўтарилади

“Ўзгидромет” 8—10 июль кунлари республика ҳудудида кузатиладиган об-ҳаво прогнозини эълон қилди.

Қорақалпоғистон Республикаси ва Хоразм вилоятида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 22-27 даража, кундузи 8 июлда 33-38 даража, 9—10 июлда 35-40 даража бўлади.

Бухоро ва Навоий вилоятларида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, 8 июлда баъзи жойларда 13-18 метр/секундгача кучайиши, айрим жойларда чанг-тўзон билан кузатилиши мумкин. Ҳарорат 8 июлда кечаси 21-26 даража, кундузи 33-38 даража, 9—10 июлда кечаси 22-27 даража, кундузи 35-40 даража бўлади.

Тошкент, Сирдарё ва Жиззах вилоятларида ҳаво бир оз булутли, баъзи жойларда ўзгарувчан бўлади, 8 июлда айрим жойларда бир оз қисқа муддатли ёмғир ёғиши, момақалдироқ бўлиши мумкин. 9—10 июлда ёғингарчилик кутилмайди. Шамол шарқдан 7-12 метр/секунд тезликда эсади, 8 июлда баъзи жойларда 13-18 метр/секундгача кучайиши мумкин. Ҳарорат 8 июлда кечаси 19-24 даража, кундузи 32-37 даража, 9—10 июлда кечаси 21-26 даража, кундузи 34-39 даража бўлади.

Самарқанд вилоятида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, 8 июлда баъзи жойларда 13-18 метр/секундгача кучайиши, айрим жойларда чанг-тўзонлар билан кузатилиши мумкин. Ҳарорат 8 июлда кечаси 19-24 даража, кундузи 32-37 даража, 9—10 июлда кечаси 21-26 даража, кундузи 34-39 даража иссиқ бўлади.

Қашқадарё ва Сурхондарё вилоятларида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 8 июлда 20-25 даража, 9—10 июлда 22-27 даража, кундузи 37-42 даража бўлади.

Андижон, Наманган ва Фарғона вилоятларида ҳаво бир оз булутли, баъзи жойларда ўзгарувчан бўлади, 8 июлда айрим жойларда қисқа муддатли ёмғир ёғиши, момақалдироқ бўлиши мумкин. 9—10 июлда ёғингарчилик кутилмайди. Шамол шарқдан 7-12 метр/секунд тезликда эсади, 8 июлда баъзи жойларда 13-18 метр/секундгача кучайиши мумкин. Ҳарорат кечаси 19-24 даража, кундузи 32-37 даража бўлади.

Республиканинг тоғли ҳудудларида ҳаво бир оз булутли, баъзи жойларда ўзгарувчан бўлади, айрим жойларда қисқа муддатли ёмғир ёғиши, момақалдироқ бўлиши мумкин. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкин. Ҳарорат кечаси 11-16 даража, кундузи 8 июлда 20-25 даража, 9—10 июлда 23-28 даража бўлади.

Аввалроқ Ўзбекистонда ёзнинг биринчи ойи барча кузатув йиллари учун энг иссиқ июнь ойлари бешлигига киргани тўғрисида хабар берилганди.