Тошкентнинг “Пахтакор” клуби Суперлиганинг ёзги трансфер ойнасидаги дастлабки трансферини эълон қилди.
Ўзбекистон олимпия жамоаси ва “Олимпик” клуби ярим ҳимоячиси Абдурауф Бўриев “Пахтакор” футболчиси иккинчи даврадан амалдаги чемпион сафида тўп суради.
“Ёшартирилаётган “Пахтакор”дан ёзги трансферларни кутиб олинг! Жамоамизга тегишли бўлган Абдурауф Бўриев иккинчи даврани “Шерлар” сафида ўтказади. Тез орада “Пахтакор”дан трансферларнинг ҳақиқий шодасини кутиб олинг. “Пахтакор” — иқтидорли ёшлар билан ёрқин келажак сари!”, — дейилади клуб хабарида.
Абдурауф Бўриев биринчида даврада 12 учрашувда майдонга тушди. 23-рақамда ўйнаган ярим ҳимоячи учрашувларнинг 11 тасини жамоанинг асосий таркибида бошлаган.
Маълумот учун, “Пахтакор” сентябрда бошланадиган Elite Чемпионлар Лигасида қатнашадиган биринчи ўзбек клуби бўлади.
“Пахтакор” клуби Ўзбекистон Суперлигасининг биринчи давраси якунида 13 учрашувдан 22 очко тўплашга эришди. Жамоа 6 ғалаба, 4 дуранг ва 3 мағлубият билан турнир жадвалининг 4-ўрнини эгаллаб турибди.
Изоҳ (0)