“Paxtakor” klubi Otabek Jo‘raqo’ziyev va Ibrohim Ibragimovning transferini e’lon qildi. Bu haqda “Paxtakor” klubi matbuot xizmati o‘zining Instagram sahifasida ma’lum qildi.
Avvalroq jamoa “Olimpik” jamoasining yetakchi futbolchilaridan biri Abdurauf Bo‘riyev jamoa safiga qo‘shilganini e’lon qilgan edi.
Otabek Jo‘raqo‘ziyev “Olimpik” safida 11 uchrashuvda qatnashgan. Uchrashuvlarning 10 tasini boshlang‘ich tarkibda boshlagan futbolchi 2 bora raqiblar darvozasiga yo‘l topgan va bir bor golga hammualliflik qilgan. Jo‘raqo‘ziyev amaldagi chempion safida 30-raqamda to‘p suradi.
Ibrohim Ibragimov ham “Olimpik” yetakchilaridan hisoblanadi. Uchrashuvning barchasida asosiy tarkibda boshlagan yarim himoyachi 4 bora raqiblar darvozasini ishg‘ol qilgan va o‘yinlarda faqat bir bor ogohlantirilgan. Futbolchi “Paxtakor” safida 9-raqamda harakat qiladi.
Ma’lumot uchun Ibrohim Ibragimov Olimpiadaga boradigan futbolchilar safidan joy olgan.
Izoh (0)