Самарқанд шаҳрида радиоэлектрон воситалардан ноқонуний фойдаланилишининг олди олинди. Бу ҳақда “Ўзкомназорат” матбуот хизмати хабар берди.
Маълум қилинишича, “Ўзкомназорат” инспекциясининг Самарқанд вилоят ҳудудий шўбаси, “ЭМММ” ДУК вилоят Элекртомагнит мослашув хизмати ҳамда ҳуқуқни муҳофаза қилувчи органлар билан ҳамкорликда Самарқанд шаҳрида радиомониторинг тадбирлари ўтказилди.
Унда шаҳарда жойлашган оилавий корхона томонидан 4 дона радиоэлектрон воситалардан ноқонуний фойдаланиб келинаётганлиги аниқланди.
Ушбу қурилмалардан фойдаланиб келаётган оилавий корхона иш юритувчисига тегишли тушунтириш ишлари олиб борилиб, радиоэлектрон воситаларидан қайта фойдаланмаслик шарти билан огоҳлантириш берилди.
Изоҳ (0)