Наманган, Хоразм ва Қашқадарё вилоятларида ноқонуний валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги департамент хабар берди.
Қайд этилишича, департаментнинг Наманган вилоят бошқармаси ва ИИБ ходимлари ҳамкорлигида Янги Наманган туманида тезкор тадбир ўтказилган. Тадбирда валюта айирбошлаш билан шуғулланиб келган Ш.К. фуқаро Х.М.га 4 минг долларни 50,6 миллион сўмга сотган вақтида ашёвий далиллар билан ушланган.
Шу каби департаментнинг Хонқа туман бўлими томонидан ўтказилган тезкор тадбирда фуқаро Р.М. фуқаро З.А.га 4 минг долларни 50,5 миллион сўмга сотган вақтида ашёвий далиллар билан қўлга олинган.
Департаментнинг Чироқчи туман бўлими билан томонидан ўтказилган тезкор тадбирда валюта айирбошлаш билан шуғулланиб келган Б.Б. фуқаро О.B.га 3,1 минг долларни 39,1 миллион сўмга сотган вақтида ушланиб, унинг ёнидан 1,1 минг доллар ва 5,5 миллион сўм ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
- Аввалроқ Андижон ва Қашқадарё вилоятларида валюта қимматликларини ноқонуний муомалага киритилишига чек қўйилгани тўғрисида хабар берилганди.
- Шунингдек, Бухоро ва Хоразм вилоятларида валюта қимматликларини ноқонуний муомалага киритилишининг олди олинган эди.
Изоҳ (0)